邊到可以買到重量鉛塊???

旺角波鞋街有幾間專賣運動用品的公司 (包括了樓上舖)，就有啞鈴賣及鉛袋一類的負重物，你去搵下就得。

價錢方面，可以相差好遠的，不過一般三百元左右的貨式都 okay 了。較貴的同常係鋼水靚 d，不過反正只係用來舉，都無相干啦。

其實想鍛鍊身體的話，鉛塊或啞鈴一類負重物並非必須的，反而最重要是增強心肺功能，才能夠提升整體耐力，氣量和力量等等，並為身體打好基礎，當你再配其他運動或鍛鍊就事半功倍。

常見的帶氧運動除了跑步游水，還有踩單車，向上行樓梯，划艇機等等，每星期三次，每次30分鐘或以上就可以了。當然，如果你體能上承受得都的話，做得密一點，每次做耐一點亦可以，最緊要量力而為。
就算你唔方便／唔想出街，響屋企一樣做到運動減肥：

1. 跳繩：在家中跳繩的話，就唔需要穿鞋了，免得噪住樓下。不過最有舖個軟墊，或最起碼舖條厚毛巾，可減輕雙腿承受的震盪。

2. 搵一張穩固的矮凳，然後不停地踩上踩落 (慢慢地，向前踏上，向後踏落)，亦係每星期 3 次，每次 30 分鐘或以上。

到你提升了心肺功能，才再考慮使用負重物吧。