有朋友介紹一份獨立保額(不是預支人壽果種)，都係30萬，保48種危疾(100%)，另外睪丸原位癌同通波仔就係保額20%，即是總共50種，仲多左個癌症、心臟病或中風「復發保障」，係個危疾保障賠償後第4-6年復發可再賠多保額20%，建議書上列明，就算claim左「危疾保障」之後，其間無需再繳付保費「復發保障」仍然有效。
原本一份每年保費約$300，每年會加，每年都要交保費交到79歲；新嘅一份首年$680，都係每年會加，都係交到79歲。
我覺得好似貴左好多，不過我想問一下呢個加幅合唔合理呢？其他公司做30萬危疾保，預支人壽同額外一筆過賠償的保費係咪都係差咁遠呢？
更新1:
多謝tonysan的解答，我個人比較灰，覺得危疾保到80歲都足夠了，咁好彩去到80歲後先中招，仲要咁辛苦咁醫落去，死快D好過，所以唔使一定要保到100歲 你推介的計劃，20年供款$97344，這個數夠供手頭上呢份到61歲，我諗襯後生，把省下來的錢作其他投資應更有效，謝謝你
更新2:
其實我個問題係想知朋友介紹呢份危疾保，價錢是否合理，其他保險公司做類似計劃係要幾錢到呢？講明啲其實我係想「格價」先。 另外預支人壽同額外一筆過賠償的危疾保，雖然保嘅野多左，但第一年已經貴左一倍有多，加幅合唔合理呢？
更新3:
ngyeungm: 可否俾多少少資料？有關每年$1200保費永久不變的計劃？
