關於結婚的問題,請指教

你地可以系香港婚姻注册处排期结婚架！
你可以上网预约登记，或者同女朋友亲身去到最近既婚姻注册处排期！需要既文件系：你本人既香港身份证，如果唔系香港永久居民，需要带埋回港证；你女朋友既旅游证件，最好带埋大陆既身份证！你地仲要问清楚你地双方父母既中文及英文名（你女朋友既父母可以用拼音既串法）！详情参考呢个网址：http://www.immd.gov.hk/chtml/bdmreg_4.htm
结婚当天，你地可以唔使穿着礼服！不过始终系婚姻大事，男方可以着西裤，SHRIT衫，皮鞋；女方可以着套斯文D既裙，化返个淡妆咯！你地需要提早15分钟到注册处，可以邀请亲戚朋友观礼，同埋需要带两个18岁以上既见证人！你地可以带埋戒指，交换戒指架！之后你地可以留系个度影下相甘就完成整个结婚仪式！

2009-01-18 22:41:06 補充：
拿佐结婚证书之后，你就可以申请你太太来香港！你必须要同太太返去你太太既户口居住地申请！需要文件如下：结婚证书正本及副本；你既回乡证，回港证，身份证既正本及副本；你太太既身份证，户口部既正本及副本；申请你太太来港既表格（要用黑笔或蓝笔填写）；你太太既相片。

2009-01-18 22:41:13 補充：
其实你地唔需要及住申请，就算你依家申请，同迟D申请，都起码要等5年（由结婚证书上既日期开始计）！你地可以去你太太户口居住地既公安局拿D表格及资料睇下先咯！同埋复印件，最好去返公安局先复印。尤其张结婚证书，有少少复印唔正确都要重新复印过架！
希望以上资料可以帮到你地吖！
详情可以参考呢个网址：http://www.sz3e.com/sz3e/NewsView.aspx?newsid=28（呢个系深圳既公安局网）