有冇人去過日本住

我係日本東京居住o既留學生，關於你o既case，有少少意見可以俾你...

1)首要問題唔係錢，係留日簽證~一般留日簽證係，留學/工作/結婚，以你為例，你話唔係想去學校，係去店鋪拜師學藝，個人認為你o既case好難會攞到留日簽證，唔係100%冇人咁做，但我未聽過未遇過~

例子一：留學
建議搵agent幫手，太煩太多手續，先選擇學校，填妥有關文件（好多張...仲要作文，寫一篇去日本留學o既原因），入學前半年就要send哂所有文件過去，日本校方批的話，會幫你辦理留日簽證（由校方為你辦理，發簽證o既成功率高），由於校方用學校名譽同你辦理留日簽證，所以為左確保你係讀書，而唔係打黑市工，因此會要求你出示有關經濟力能o既文件（如銀行戶口要有最少20萬港幣）~

例子二：工作
通常係香港公司派你到日本分公司工作，或者有在日o既日本公司請你，咁公司自然會幫你辦簽證，發簽證o既成功率亦高~

例子三：結婚
你同日本人結婚~都可以辦理留日簽約

另外，留學的話，都唔係100%批，所以以你情況，唔係留學，唔係工作，更加唔係結婚，好難會攞到簽證~

2)搵工問題：
留學生係可以工作的，我去日本前，agent同我講要3個月後先可以申請工作證，但我黎到半個月左右，學校已經幫我申請了，等20-30日左右工作證就批喇~(間間學校唔同，我有朋友真係要等3個月)~o係日本日文愈叻愈易搵到工，日本o既工作唔難，而且時薪高，但要人請你的話，你要有一定o既日語水平，唔係單字，唔係幾句句子，係普通面試對應到o既日語水平~

3)租屋問題：
外國人可以租屋的，但會要求你有擔保人，有d學校可以幫你做擔保人，不過現時有d地產都唔需要擔保人，另外日本租屋第一個月就要俾好多錢，日本要俾禮金(答謝屋主租屋俾你住)同按金，通常第一筆錢係，第一個月租+禮金+按金+地產中間費，已經要2-30萬yen了(40幾萬都有)~

在日生活費：
日本真係咩都貴~食物貴~車費貴~屋租,水電煤...咩都貴，包守計算一個月約要9-10萬yen支出(約8-9千蚊港幣)~你要考慮自己有冇咁o既能力~

我都係女仔，唔覺o係日本生活有咩問題，你而家咁細個，如果有心去日本的話，建議先學日語(唔係少少o個隻，去日語學校學啦)~識日語的話工都易搵d~另外為自己預備多d錢，有理想係好事，加油^.~

我對日本學藝既資料唔多熟，不過都想係現實層面提醒一下你。
如果你真係打算靠自己的話，請完成你既學業後再工作幾年，儲足資本先去。
首先，你未必一去到可以工作，正如樓上既資料，你要三個月後先至可以開始工作；
再者做學徒，都唔好指望人工會高，能否應付生活所需都係一大疑問，所以儲足資本去對你自己都有保障。

無論係日本既邊度，生活指數都唔會太低，平極都有個限度；
再者如果係比較偏僻既地方，甚至你學既係一d專門既技藝，你所需要認識到既日文會比一般去日本留學為多。
建議你先學會基本既日文，再搵私人教授專門進修你所需要既會話，咁應該會容易d適應亦唔怕過到去會語言不通。

初學日文的話，唔需要貴，但一定要真係學到野，我自己學緊日文個度幾好，對初學者黎講算平而且易上手，不妨考慮一下。
佢黎緊下個月3號會有新班，你可以去佢個網址睇睇
www.streamwisdom.com

最後提醒你，凡事三思而後行，要做好一件人人覺得難以完成既事，除左你要有好大決心外，你亦都要對你將要做既事有全盤既了解，凡事做好最壞打算，切忌幻想得太美好而忽略現實層面。

希望你既願望最終能達成!

去日本留學, 分留學visa及就學visa兩種. 就學visa需受正規教育16年(即中六以上), 否則就需申請留學visa.


留學visa, 每星期可工作28小時; 就學visa, 每天最多工作4小時. 其實兩都可工作時間差不多. (兩都均在入國3個月後才可開始工作, 但是, 要找到工作, 基本日本語是必須的) 而留學生一般都會在餐廳當侍應/在廚房工作. 餐廳由於需要人手, 都很小真的依法限制留學生的工作時間. 又或都根本他們都不太清楚此規定.


但是, 要真的靠自己的話, 日本的生活費真的十分貴. 建議住在宿舍/至小準備定60-70萬yen(不計學費), 否則先要準備6個月的租金(每月6-7萬, 6疊- 6個tatami大的房子)

2個月禮金(送給業主的)
2個月shiki金(按金, 退租時可取回1.5個月)
1個月手續費(給不動產 - 地產的)
及第一個月的租金
15000 yen 的房屋保險

宜家我短期內係日本學日文，如果你要靠自己，就一定要搵工。
如果你日文唔好，溝通唔到的話就非常難找工作。

因為我唔知你學藝係入學校學還是其他途經，因為有一些visa限定一星期只可做x小時。

去到日本，到最近的市役所申請了外國人登陸證(相等於身份證)之後就可以申請工作證