想轉行向會計發展, 可以點做 ?

做CPA一要考試, 所以唔存在做會計文員可以升職做CPA. 就算得, 那只是職銜上的稱呼, job duties未必與真正會計師一樣. 而且CPA和會計文員的學歷要求也不一樣. 做CPA一定要有專業資格, 學歷也趨大專化, 但會計文員不需要考專業試, LCCI根本稱不上專業試.
考LCCI對做CPA作用係接近0%, 因為LCCI難度比起CPA要知道的會計知識, 程度實在差太遠. 而且CPA要識財務報告、核數、稅務及商業法律等知識, 但LCCI只會學財務會計及管理會計, 所以LCCI根據無乜用, 除非你申請員工得十幾人的小型會計師樓, 考高級可能有少少用.
既然你有個degree, 最快做到CPA方法就係讀conversion course(名單可以去HKICPA網頁睇), 快則3個月, 慢則一年, 不過讀postgrad價錢不菲, 最少要幾萬元一年. Big4以前會為非會計主修的新員供提供課程, 但不知現在會否因金融海嘯而減福利.
讀完conversion之後讀QP. 考完QP再加最少三年認可經驗就可以做到CPA. 如果你由LCCI開始, 你條路會行得好長及辛苦. 由HKAAT開始, 快則2年考晒, 但HKAAT PBE考卷出名合格率低得驚人, 所以好少人係經HKAAT讀QP.
而且, 你有無諗過自己點解想做CPA? 你覺得會計工作前途好、人工高、舒服及穩定, 我勸你回頭是岸. 會計行業也受金融海嘯影響. 雖然Big4在香港佔了70% market share, 但都要找方法減人工及炒人. Big4出名工時長, 而且做審計要趕deadline, 亦要經常走, 所以如果你年紀大, 或者身體差, 轉行前要好好考慮自己身份能否承受極大壓力. 人工方面, 以前新入職有$11,700. 前途方面, 內地已實施國際會計制度, 你自己想想會計長遠發展如何.
如果你現時做份工人工較高, 又有晉升機會, 倒不如留在現職.

2009-01-18 19:24:05 補充：
補充, 有些公司會有accountant這個職位, 但這並不等於CPA. CPA係香港會計師公會認可的會計師稱銜, 但部分公司所請的accountant並不是CPA.