我想買第一部的單鏡鏡,Nikon or Canon(急)

如果你題材只係花草跟風景,兩部機的分別不太大,都可以勝任.
用Live view影晒所有嘢係唔實際的.手動對焦不可靠,自動對焦遲緩,持機不穏定,耗電及令機身發熱.缺點多多,只適宜在不方便用觀景窗取景的角度時才用一用.載眼鏡不是問題啦,只要識就位就得,我也是載眼鏡的,從來沒有頂住不方便的問題,也可以輕易看到觀景窗內的資料.
Sales的話不要太相信,他們都是推銷利潤較多的一部.
以下網頁有兩部機既規格及測試,仲有樣本相,你可以慢慢比較.
http://www.dpreview.com/reviews/specs.asp
規格方面1000D有5點對焦點,比起D60的三點,對動態拍攝較有利.不過連拍方面,1000D要影Jpeg先有每秒3張,影raw的話每秒只有1.5張,但D60就影raw都可以保持每秒3張.不過影花草對焦點多其實用途唔太大,不是大特寫景深夠的話其實三點都夠用,因為對焦後再構圖問題也不大,大特寫淺景深時自動對焦都唔太可靠,用手動對焦的話對焦點多小都冇關係了.
另外D60有一樣好好的優點係閃燈同步有成1/500秒,對在大太陽下用大光圈做淺景深及增加閃燈有效距離好有用.1000D只有1/200秒,普普通通.
不過要留意D60冇機身摩打,如果你想玩前清後矇人像相(影花草問題唔太大,你驚做唔到前清後清好過)原廠平價50mm f1.8大光圈鏡頭係會冇咗自動對焦,要手動對焦的,其他可以做到同樣效果既長焦大光圈鏡頭會好貴.好多人都係買完D60就問買甚麼鏡頭可以影前清後矇人像相而有自動對焦.
但係1000D就可以用六百蚊買到50mm f1.8鏡頭而有自動對焦.
至於要把遠景拉近你就要預多筆錢買鏡頭,因為Kit lens遠攝能力係好有限的,甚至比DC仔更差.
長遠計其實Canon同Nikon都係大廠,唔驚冇你要既嘢買,最驚你冇錢.


2009-01-20 10:30:56 補充：
1.由於花草唔及人咁大份,影特寫的話好多時都要哄得好埋下的.對焦距離係非常影響景深的.所以影微距的話即使DC仔都可以做到前清後矇的效果,更何況是DSLR.反而需要擔心係咪可以同時令兩朵唔同平面的花一齊清好過,所以你其實唔係太大必要買50mm f1.8.除非影一大片花又要淺景深就例外.手動對焦係靠眼睇,其實不難的,但會比自動對焦慢.

2009-01-20 10:31:03 補充：
2.其實拍特寫好多時自動對焦會失效的,或許都要手動,不過有總比冇好.起碼唔係特寫既時候可以用,同埋你真係淨係影花,唔會影人?通常啲人都係乜都要影到既比較多.

2009-01-20 10:31:21 補充：
3.在大太陽下如果需要開啓閃光燈補光.由於快門被限制在一個較低的速度,變咗光圈要收細才可以避免曝光過度.iso也不能高,否則快門又會變快.光圈細一來做唔到淺景深,二來閃燈有效距離會縮短.雖然有高速閃燈設計,但火力反會進一步下降.
其實1000D的快門同步也不是太慢的.真正要用閃燈影人像淺景深的話靠近一點便可以了,或者用減光鏡,高速閃燈都得.

2009-01-21 20:35:53 補充：
Canon同Nikon都係冇機身防震的,防震效能只同鏡頭有關,如果以kit lens計,Canon話自己有4級,不過測試就話只有3級左右.Nikon的規格則係3級.
Canon同Nikon既處理器速度我冇實際比較好,所以都唔知邊個快,450D同1000D都係用Digic III處理器,所以未必450D會快啲,唯有你自己實際去比較下.
不過我都建議買450D好啲.起碼第二時想玩連拍raw唔會速度慢咗.至於D60冇機身摩打都係唔揀好啲.