日本北海道問題 ^^

你打算去幾多日？自駕遊還是用JR PASS搭火車？
飛機的安排？我07年9月尾去過5日，08年5月初去過8日，都是自駕遊。我的經驗係︰自駕遊較平及較有彈性。

香港去北海道只有國泰有直航(好似還有一家不知名的航空公司)。日航和全日空都必須轉機。因為飛機schedule的問題，會大大影響你的行程。
國泰的直航機，於香港約9時多起飛，約下午3時到新千歲機場，如馬上去札幌，4時前一定到。
我08年5月坐全日空，係東京轉機。早上約9時香港起飛，1時多到東京，等了3個多小時再機守機，6點多才到新千歲，到札幌已經7點了。不過坐全日空/日航有一個好處，回程可以在北海道其他機場回東京轉機返香港。

4月份去北海道不是一個好的時間。北海道位置的關係，4月份的溫度對香港人來說，仍然係冬天，而且係好凍的冬天。
我去年5月初去，我們仍然要著Columbia的褸，我當時有買溫度計，札幌市區大約係10度；富良野在山谷中，兩邊的山仍有積雪，我們的感覺係入咗雪櫃一樣，晚的戶外的溫度更只有零度﹗

札幌 - 2天
小樽 - 1天
富良野 - 無花可看，可以不去(我5月去也無乜花，但有小量薰衣草)
登別 - 1天 (浸溫泉)(較近新千歲，可以下機後先去)
旭川 - 1 天 (旭川動物園)
網走 - 1天 (網走監獄、流冰館)

去北海道其實4季都有唔同，可能春季比較差。要睇下你想睇乜野。

北海道甚大，面積約香港 76倍，台灣2.3倍，韓國 0.84倍。氣候4季分明，風景不同，四季去都咁過瘾，玩嘅野都唔同，若然租車自駕游仲爽。
春天 - 櫻花滿道。夏天-薰衣草遍野。秋天-楓葉漫山。冬天- 飄雪紛飛，浪漫之極。
况且在北海道一年四季都可享浸溫泉之樂，與去某些國內咁嘅水準唔同，實乃人生一大享受。講到食物，更是適合大部份香港人口味。
你若是四月去，(除扎幌，小樽，定山溪溫泉，登別及洞爺湖外)，建議可到美瑛及富良野。
享受大自然田園之美，此外，十勝及帶廣一帶，亦有櫻花可賞。
北海道咁大，一次過去唔晒，有些地方留待不同季節去，祝旅途愉快。

北海道都好大, 你會大約去幾多日 ? 其實最好就先睇下旅遊書, 有d概念先再plan下想去邊, 再上網search下資料, 咁就正啦 (我自己都係咁)
4月去又冇雪又未有花睇, 不過去睇下景食下野都幾好既~
你首先要諗下直飛or轉機, 如果直飛就要札幌出入, 如果轉機就可以唔同地方出入, 不過就要多少少時間搭機
住你乜要求, 好似札幌咁, 我就鐘意住薄野, 食野好方便, 好似登別, 大把温泉酒店比你揀, 小樽我上次就住運河邊, 一早起身出去影運河, 一個人都冇任你影, 正呀 ~~~ 最好自己上網book, 抵過係旅行社, 又多選擇, 係要翻譯麻煩少少