用鋼琴演奏巴洛克時期既古鍵琴作品應吾應該踏pedal?

當我地用鋼琴演奏巴洛克時期既古鍵琴作品係唔應該踏pedal既, 因為古鍵琴係用一d 尖既野例如雞毛中間支硬芯黎撥響條弦既, 亦即係話當你禁一下古鍵琴既琴鍵果陣, 條雞毛就會受到牽引而撥響條弦, 所以d聲會係好似你用手撥結他弦咁既聲, 所以當你用鋼琴彈巴洛克時期既作品既時候, 你應該盡量彈到佢好似有一粒粒音咁, 等於你用吉他撥只係撥到一粒粒音咁既聲, 唔係好似鋼琴咁長禁個琴鍵或者踏pedal, 因為咁粒音就會被延長, 咁就唔似巴洛克時期既作品啦, 仲有就係巴洛克作品係無大細聲既, 你彈果陣唔好彈咁大聲, 因為果個時期既琴係做唔到好似而家d鋼琴咁咁大聲既, 保持p呢個音量, 係一d連續既樂句裏面(例如全句樂句都係充滿8分音符)果陣, 你最好係每個重拍果度稍微大聲d, 咁就可以比人聽到首歌個節奏, 唔會太過雜亂無章(例如當個句子係兩拍, 有四個bar咁長, 而四個bar裏面全部都係要不停咁彈16分音符果陣, 你就將每一組(4個一組)既第一個音稍微彈大聲d, 記住唔好咁大聲, 聽得出同其他音既音量唔同就得啦, 咁當你每一組音都係咁做既時候, 自然聽得出個重拍係邊度,咁係應付再長d既樂句果陣, 就唔會比人一個好亂既感覺, 反而人地可能會跟到你既節拍, 輕輕咁踏下腳踏拍子tim, 如果當一個唔係太識呢首歌既人可以跟到首歌既拍子既話, 咁你就成功架啦~!