好朋友真的離我而去 ???

我今年廿幾，跟公司一個40歲既媽媽做了好朋友～
因為我們背景很似，都是身世可憐個d．．
所以依兩年間成為左好好既朋友，連星期六，日都會見！
成日見都會SMS，講電話；而且好多時都會去佢屋企食飯，
又同佢朋友出去玩，都幾好！
..
某程度上我視佢為我屋企人，可以俾晒我自己最好既野做佢～
（因我同我屋企人唔係咁好）
有次同佢同埋佢個仔出街，可能佢見到我有唔開心因為我有點嬲點解佢對我唔可以好似佢個仔咁（但我無講出口）因而開始有介締～
..
之後返到公司我又唔係好彩佢，因我唸點解我對你咁好，
你唔可以當我係你屋企人咩？？
（我真係好需要一個屋企人，佢知ga！）
我唔知佢feel唔feel到，仲之個排我同佢講電話都好快收線，
同埋好似大家都有野咁！！！
..
有一日我終於忍唔住，同佢講左以下既野；
我講：''我知你現在係focus係家庭同阿仔，而我就focus係朋友同
愛情，所以我成日都煩緊一樣野．．你有無發現你朋友
依排好唔開心～''
佢講 : " 我唔會走埋去問人點解你唔講野，而且我唔覺！''
我講：" 我前排唔舒服，我都想人care下，我唔想走埋去你個位
話你知我病了！（我表達能力差，我是想講我想你care
我多d)
佢講 : " 你又想講咩，你又想要求d咩，我真係好難做到，我份
人夾嘴型就做friend，你咁～ ''
我知佢嬲，我即刻話唔係咁既意思～佢之後已經慎怒，我無講野啦～
...
個晚佢send個msg，佢話唔知激嬲我咩，佢怕怕啦，
以後做普通同事，佢話佢係普通人佢都有脾氣！！
由佢嬲第一日，我就開始send msg解釋同埋我真係
重視佢如我媽媽一樣．．而且今次真係知錯，
因我唔可以無左個咁重要既人！！但到第８日佢終於覆我，佢話佢經濟有問題，佢想開心d過日子．．佢話親人，個仔無得選擇，但朋友有得選擇～佢話做返普通同事同埋以後唔好SMS佢，叫我自己好好過生活！
...
我打俾佢，我話我明白，咁但係你會唔會好唔鐘意聽
到我把聲，佢話唔會．．我問佢可唔可以以後一起食飯，
佢話你喜歡啦，我都係唔會理你．．．
返到公司，佢口講話無野，但行為上唔係，佢好刻意避我，工作上都不願跟我接觸，要靠其他人．．
佢以前係唔會，而且佢係一個好理智既人～
....
今次我真係知錯，我真的唔會再計，
而且我知佢噪仲傷過自己嬲；佢但佢足足嬲了兩星期啦，
但我仲好想守謢佢，因我知佢細過，工作，家庭都唔開心～
只有屋企人先佢可給佢依靠，而且佢係公司到算係講最多佢既心事俾我聽，因佢唔信周圍既人．．
平時都會聽到佢係個位大笑，依排真係無，我唔想見到佢咁～
我已經唔煩佢，等佢有日搵我～
但我仲可以做d咩．．我唔想見佢再躲在黑暗～