上海一問***20點

2 月頭去, 都冇 1月咁凍. 亦應該唔會落雪. 除非突然天氣有變喇. 但應該唔會掛. 但都要著羽絨好 D. 又輕又保暖嘛.
哪! 最好用斜咩袋. 唔好用背囊. 因著左厚褸, 會減低左警覺性嘛. 咁樣好易比人扒 ka. 上海地鐵都 ok. 但又係扒手問題. 及 D 人永不排隊. 故上落班時段千期唔好搭. 上海的士唔太貴. 由機場出市區約 $140. 市內行走, $20-30. 近個 D 直頭 $10 鬆 D 蚊 ka jar. 由蒲東來往蒲西要過橋. 咁就貴少少. 約 $40 - 50 一程. 又係放工時間唔好過橋. 否則塞死!!
如第一次去, 當場係去以下呢幾個地點 la....

城隍廟 - 即係老街. 好多地道野睇. 又多手信賣. D 野都好平. 最出名既小籠包就係呢道. 不過個人覺得都係普通啦. 如果信佛既, 可往城隍廟求籤. 好靈 ka wor. 呢道需起碼預半日行 ka.
新天地 - 晚上先去啦. 個道有間上海菜館叫新吉士. 超好味. 推介係蟹粉盅. 一定要訂位... 人均消費 $150. 唔好旨望有服務. 但真係好好食.
外灘 - 由蒲西睇過去. 就係東方明珠塔. 就係 postcard 上面個景. 但條海濱大道成日都迫滿人. 影相要搵位. 個人覺得, 反而由蒲東香格里拉個邊影番轉頭仲靚. 而且個邊又冇乜人 ka wor. 而且仲有間 starbucks tim! 可以坐低慢慢嘆.
吳江路 - 係一條食街. 同的士佬講佢地識去 ka la. 入面係行人專用區黎既. 由街頭食到街尾. 可能 $30 有找!! 至出名既小揚生煎飽就係街中間. 超好味!!
衡山路 - 晚上先去. 好多餐廳. 影相又靚. 從前個頭係有錢人先去得 ka. 係法 / 英租界. 故留低好多值得影相既建築物 ka.
徐家匯 - 即 = 香港既旺角. 多間大型商場. 平價 D 既地點.