衰11.5克K仔.......

1. 佢哋唔認, 唔代表告佢哋唔入. 要睇成單案嘅案情. 你講得咁少, 答唔到你.
2. 佢哋之前冇衰過毒品, 亦唔代表冇咁易入罪. 凡事都有第一次. 調轉頭講, 佢哋上庭時, 之前有案底呢樣嘢係暫時唔會披露嘅. 因為唔想法官 / 陪審員對佢哋有徧見. 如果輸咗, 在判刑時佢哋嘅案底會被披露, 作為考慮判刑因素.
3. 如果告得入, 兩個都應該會坐監. 第一, 20/21歲己經係成年, 所以好少20 / 21歲重判教導所 / 更生中心.
4. 邊個走唔走得到, 要睇成單案嘅案情. 你講得咁少, 答唔到你.

最後, 根據上訴庭在2008年6月6日SJ v 許守城 (CAAR7/2006) 一案的最新判刑指引, 販運或藏有可供販運1克或以下的冰及K仔可以藏毒為交替罪, 判刑由法官決定. 1-10克判監2-4年. 10-50克判監4-6年, 50-300克判監6-9年, 300-600克判監9-12年, 600-1000克判監12-14年, 1000克以上判監14年以上.
呢個指引係每個法庭都要跟到足, 法官無得自己決定. 你話11.5克K仔係指粉末定純度? 我當係11.5克粉末. 根據經驗, k仔純度大約60%,佢哋藏有11.5克K仔粉, 即係約7克氯胺胴. 判刑起點是2-4年監禁.