想影靚相，但需要技巧!!請幫幫細妹。

你呢條好似問過咯喎......

唉, 再答一次啦~

1a. B快門可以手動控制快門開關時間, 所以適合係快門要慢到以秒鐘計既情況, 一般, 影夜景時, 好似尖咀影灣仔咁, 快門可以由5秒開始調較, 又或者好似我早排玩光線畫, 快門開到一分鐘, 又或者影天聞攝影, 以30-60分鐘咁去拍, 呢O的情況就會用到 B快門
一般日光日白係唔會用B架

1b. 快門選擇應該一共有三隻色, 一隻色只會出現係一個快門上便, 果隻色係指閃燈同步既最快快門, 快門開合果段時間中, 如果閃燈閃唔切就會令到張相一半光一半暗, 所以如果用閃燈, 橙色果格係你可以用到最快既快門,
好似FM2最快係1/250秒, 咁用到1/500就會出事.

視乎機型, 會另一隻出現係幾組數字上便, 好似 1, 2, 4, 但同時又會有另外 1, 2, 4 係用另一隻色出現. 咁既情況下, 上左色既 2, 4 就係指 1秒, 2秒同 4秒, 而另外冇上色既就代表 1/2 秒同 1/4秒.

(我唔係好記得勒, 好似FE係咁, 不過FM2又唔係......)

1c, 1d. 數字係指 1 分之幾秒, 好似15就係1分之15秒, 60就係1分之60秒. 當時間縮短一半, 即係1/30變做1/60, 咁入光量就會減低一級. 1/60變做1/125時, 又會再低一級. 影相感光係一級一級咁去計, 如果快門減左一級光, 想要返同樣光度就要將光圈加返一級光.

1e. 冇特定架, 真係冇架, 呢O的係取捨既問題, 夾硬影到光晒, 或者故意Under都得架......
想搵個參考可以睇機內內置既測光錶, 不過你部機太舊可能會唔準, 咁可以一係買支測光錶, 或者慢慢練習去摸索,
我建議你先固定使用ISO 100 或200既菲林, 咁再以光圈同快門去就, 光圈亦先固定以5.6使用, 咁你就只需要調較快門就OK勒.
跟住, 因應情況, 減一級光圈就加一級快門, 咁咪得囉.

1f. 快既快門, 打開時物件可以做到既動作就變細, 咁就可以將動作固定. 相反慢快門時動作中既物件就會變矇.
但係記住, 攝影有取捨冇適合, 將人固定左張相就冇動感, 好似影瀑布用快既快門就會好似睇冰雕咁, 反而用慢快門就會好似見到流水咁

2a. 光圈係指可以入光既面積. 每一級光光圈就 x1.4倍 (2 既平方根), 所以, f1.4, 細一級就係f2, 之後 f2.8, f4, f5.6, f8, f11, f16. 同快門一樣, 減一級光, 咁快門就應該加一級去平衡返個光度.

2b. 數字越大, 入光越少, 因為佢係焦距既倒數, 好似 f16個孔就係最細, 而最大就係 f1.4. 所以, 暗既情況下, 應該用~f1.4, f2, f2.8 呢個 range既光圈, 相反, 太光日頭時, 就應轉去 f8 至 f16 呢個 range.

3. ISO 100 同200 分別差一級光, 咁如果你用ISO100影相時, 轉用ISO200就要 一係減一級快門, 或者減一級光圈.


總之, 現時你要既係明白 "呢度加一級, 就係某一處減一級去平衡返" 既道理. 咁之後再去理解用呢個快門, 果個光圈再用其他參數配合既方法.

如果你想了解多一點攝影的入門技巧，可以多到有關攝影的教學/分享網站，以下是一些你可能有興趣的題目~~

(我未夠級數用HTML editor...所以麻煩大家自己copy and paste條link去IE度喇...)


照片的形成 - 底片感光度(ISO)、光圈(Aperture)和快門速度(Shutter speed)
http://www.fotobeginner.com/25/introduction-to-iso-aperture-and-shutter-speed/

怎樣知道相片是太光還是太暗? Histogram!
http://www.fotobeginner.com/103/introduction-to-photo-histogram/

利用曝光補償(EV+/-)來輕易微調相片光暗
http://www.fotobeginner.com/116/use-exposure-value-to-fine-tune-photo-brightness/

光圈與景深的關係
http://www.fotobeginner.com/126/aperture-and-depth-of-field/

控制快門的用處
http://www.fotobeginner.com/134/shoot-with-shutter-speed/

光學防手震 vs 電子防手震
http://www.fotobeginner.com/138/introduction-to-image-stabilizer/

攝影必學：構圖之黃金分割
http://www.fotobeginner.com/145/composition-golden-ratio/

還有其他就自己看看了：
http://www.fotobeginner.com/

分享一下,請看看基本技巧篇:http://cck0217.myweb.hinet.net/TNGNEW-2.html
初學者,光圈、快門、曝光值.. 技巧:http://taiwan-photoschool.com/new_page_91.htm
快門詳解:http://www.beautymodel.com/article27.htm
景深入門:http://www.beautymodel.com/article23.htm
景深的介紹:http://cck0217.myweb.hinet.net/TNGNEW-7.html