低電解質問題 究竟會發生咩事?

電解質多數係指血入面既鈉同鉀
過低會影響D肌肉同神經功能
容易抽筋同攰
低到好嚴重既可以影響個腦而神智不清
再嚴重D可以影響個心跳
因為咁一般黎講要即時補充番D電解質

低電解質只係一個抽血得知既結果
而背後有咩原因令佢低電解質真係可以唔知
有D已知原因可以係痾嘔同一D藥物影響
肝腎功能或者一D代謝內分泌問題都可以影響到

除非係D食好多藥或者肝腎有問題既老人家
多數情況下電解質低只係短期出現
只要補充番D電解質症狀就會緩解
身體好番例如痾嘔冇左或者D短期病冇左
就唔會再有電解質低出現

但如果係因為食藥或者肝腎功能影響
就要定期驗血檢查番D電解質既分量
如果都係唔夠就會平時食藥加D電解質藥補充番