唯一既擔心,就係過唔到海返唔到工,當我煩惱緊點同老闆交代既時候,我公司所在既大廈居然o係我面前俾水淹沒,成幢大廈斷開左,仲跌左落海沉左!!
o係其他lum左樓既地方(俾海嘯整lum既!),有幾個應該係政府既研究人員咁既人,o係lum樓現場唔知要研究d乜,冇幾耐佢地就俾海嘯蓋過左!但我果時冇同情佢地,仲覺得佢地都膠膠地,明知道發生d咁既災難,仲要去研究!
然後我跟大隊去一d比較內陸既地方避難,沿途經過一d屋村地方,有好多死狀恐怖既死屍,但我一d都唔驚,而且果d死屍入面冇我認識既人,最奇怪係,只有經過屋村先有死屍,其他地方冇!
而全程,只有我阿媽o係我身邊,我只聽到阿爸把聲,但見唔到佢既身影,而我個妹,就全程都見唔到,不過我阿媽就冇擔心過阿妹,仲一早認為呢d事係預左,包括海嘯都係
我好耐都冇發過一d咁清晰既夢!一醒返我就諗,會唔會係想警告我d乜呢??我自問,又冇捲入過一d複雜既感情糾紛,同家人感情又唔算好差(雖然少溝通),同埋我又做會計,就算真係金融"海嘯"都冇咁快關我地呢行事
不過既然我夢見自己做野間公司沉左,點都有d在意,唔通我公司真係會執笠???定係呢個夢只純粹表現我對現今社會同生活既不滿??(金融海嘯,政府,自己公司,同阿爸+個妹冇溝通etc...)
更新1:
再補充一d...由細到大,我只要發夢係同屋企人一齊,有99%係見唔到我個妹既!我都唔知點解,似乎夢入面既我係獨生女
