邊到有好味既雞蛋仔賣呀??

全港最出名既雞蛋仔同格仔餅, 街知巷聞到連電視台都有訪問過既就系利強記, 佢地有兩間店, 第一間主店系北角英皇道492號, 琴行街交界, 向則魚鰂方向行
另外一間就系灣仔柯布連道2號地下, 灣仔地鐵站修頓球場出口
佢地店系放工時候都成日排長龍架, 雞蛋仔同格仔餅都系賣十蚊, 另外北角果間D辣魚蛋都几好食, 灣仔果間就牛雜都唔錯, 其實几樣都值得食

2009-01-13 20:43:42 補充：
如果你真系去開北角食雞蛋仔, 咁你可以順便去試埋新光戲院旁的「十三座牛雜」, 佢又系同「利強記」雞蛋仔一街之隔的書局街、新光戲院側邊, 果度周不時都會有人排長龍買牛雜食, 同埋佢地D老水豬耳, 鴨腎都好好味, 8蚊一串, 我都有食過, 好味!

其實北角有好多美食架, 例如上海菜的「雪園」, 四川風味的「小辣椒」, 粵菜飯店「權發」, 西餐廳「皇后飯店」, 「掏心窩」和「春夏秋冬」特色火鍋專門店) 等等......多不勝數

屯門碼頭啟豐園商場 一入門口 有一檔賣魚蛋, 燒賣, 雞蛋仔果D,
果檔D雞蛋仔好味, 個面夠脆, 又夠蛋味, $8.00一底