點解部AE110好食油呀!

✔ 最佳答案

首先針對番你食油個問題. 以你所講換咗嘅幾樣嘢, 最直接帶嚟負面影響嘅就係你隻偈油同大輪圈/闊輪胎.
香港呢D氣候跟本唔需要用到咁杰嘅偈油, 加上你架仲只係Corolla (絕無貶意, 我自己係豐田友). D油杰, 引擎各活動部件就需要花更多力去抵銷, 之後先至將力量傳送到驅動軸. 你油pump負荷都大咗. 冇錯, 以一架十年車, 有D人會利用杰嘅偈油去填補/減低引擎內部配件與配件之間嘅空隙. 但係50實在真係太高喇 -- 舉個例, 我外國架 JZA80 twin turbo 揸咗十二年, 有成差不多200,000km, 穿州過省咁揸, 夏天都係用 10W-30而矣. 你下次換油用番30或40就夠喇.
AE110原裝基本型號用 155/80-13, 直徑為 57.82cm. 高級型號都係用 175/70-13, 直徑為57.52cm. 你而家用 195/55-15, 直徑係 59.55 cm, 多咗成 3%或以上! 起部惰性自然高咗. 你用闊輪胎直線行車 friction多咗. 仲有你15寸輪圈, 除非你條輪圈用上超輕金屬, 唔係的話又係比原裝重. 輪圈/輪胎唔係彈弓乘重嘅部件 (unsprung weight), 加上轉動, 即係話你每個角落輪圈輪胎多一磅, 其實等於你車載重多四磅! 咁你話食唔食油喇! 如果你想keep住用15寸輪圈, 不妨考慮用 185/55-15或195/50-15.
至於碰沙版, 如果你避震無氣/油, 回彈冇力, 當然會有問題. 但係亦有可能係你條輪圈嘅offset或輪胎太闊所致.

回答 (1)