好頭痕既仔女

嘩...10個指控, 都好大壓力...
有人話, 子女係父母的反映, 不知你贊成否? 不過我講乜唔重要, 最緊要是大家集思廣益, 找到一條出路, 重建一家人的關係...
我見到:
1. 20多歲的仔/女, 你心中是否當他們是成年人? 朋友?
2. 你「要求」他們尊重你, 你可有「尊重」他們? "捉到佢要佢同你去飲茶", 呢句話反映晒你們之間的矛盾, 你用得個「捉」字, 都估到下場係點...有邊個鐘意俾人「捉」架?
3. 尺網上日記,手機同電話? 他們跟你咁耐, 點都學到你兩三度板斧, 梗有你咁精叻, 防範番你...係咪?
唉, 我都無謂再添油加火, 我估你睇到而家, 已經慶到出煙...因為你的parent image咁強勁, 我驚我咁講, 實俾你鬧埋一份...
講真一句, 你10個指控都啱晒, 如果你仍然當他們是中學生, 未有個人價值觀或者自我形象低落的話...
但見你形容他們的行為反應, 我認為他們絕對不是壞孩子的所為, 只是某些情況不符你的「要求」, 加上溝通的門掩上了...
要改善情況, 首先由你出發, 請改變你的觀點...站出來, 詐諦你係鄰居, 望吓他們, 他們真的不壞, 只是你們(父母)太強了, 他們根本沒有機會為你們付出任何關懷, 無論家裏家外, 你們都打理得井井有條, 基本上不用參與任何意見, 他們慣了抽離, 好像外人寄居一樣...仲要逼他們參與活動, 惟有口黑面黑囉...
所以, 請改變用朋友立場溝通, 千萬別頓起個款逼他們跟從, 試吓多些"inviting"說話, 例如:
"唔知等陣食晏去邊度好, 你話呢?"
"我想買件衫, 又唔知啱唔啱潮流, 你幫吓我眼, 得唔得呀?"
"呢排天氣變化咁大, 你摸吓我額頭, 睇吓係咪發燒..."
"天氣咁凍, 有人織/買條頸巾俾我就好咯..."
總之, 要扮傻扮痴, 俾機會他們關心你, 你才有機會關心他們, 到時囉喎, 有傾有講, 咪重建番溝通囉, 千祈唔好話飲茶就飲茶, order十噸重, 事事無彎轉, 咁就蛇都死...
你們的生養教育已經完成, 已經不能再做修整剪裁, 因為他們已經亭亭玉立, 玉樹臨風, 你只能遠觀, 收成如何, 要看做化了...

1) 你個20幾歲既仔/女愈來愈唔鍾意同你講野(以前已唔多溝通,最近更甚),公司冇野做都專登留o係公司加班到好夜
2) 返到屋企只識得同朋友講電話MSN
3) 一放假就出街玩

我認為係佢唔識點樣同你溝通,,所以先專登夜返,,
減少兩方面對面但沒話題的尷尬情況
同friend之間的話題當然會多,,不是的話便不算朋友吧

4) 就算捉到佢要佢同你去飲茶,佢都黑口黑面,好似嬲左成村人咁,唯一會展露歡顏既時候,就係飲飲下茶同朋友互傳短訊時

唔好逼人做佢唔願意做的事...這樣做只會令關係加劇惡化

5) 想check佢網上日記,手機同電話,睇下佢同d乜野人來往,但佢好醒,網上日記加晒密碼,所有電話既通話紀錄,留言訊息,MSN history全都冇留存底,電話簿既人名又全部都係編號

你唔可以咁做!呢d係佢既私隱,,佢有權唔俾你知
你去check佢就已經係一個不要得的行為!
假如佢對你做同樣事情你有什麼感受?!請三思而後行

6) 同佢講,其實聖誕節,除夕,元旦,元宵節,情人節,自己生日都可以同家人過,佢就同你鬧交

佢已經20幾歲,,做事有自己的自由...你應不要太過管束佢

7) o係其他親戚眼中,佢係一個好純品既乖乖仔/女,人人都讚做父母既教導有方,但有次無意中聽到個仔/女既同學話覺得佢好冇家教

通常年青人係長輩面前是一個樣,,係同輩面前才是真正面目
他被評好純品但又冇家教,,兩方的極端
可見他平日對長輩對自己有很大的抑壓

8) 可以浪費一個下午既時間去百貨公司揀禮物俾朋友,但從來唔會送禮物俾自己父母
9) 同一班朋友去左一個未去過既新地方玩,只會想到第日要同另一班朋友再黎過,而唔會諗要同父母黎
10) 除左死人塌樓既事,佢對屋企發生既大小事都漠不關心,相反,佢d朋友發燒39度或者無啦啦肚痛,佢就緊張到死

以上是他關心朋友,,對朋友好的表現...
他沒關心父母,,有否想過其實他父母有否關心他?
或許有,,但是這些關心是他需要嗎?還是阻礙呢?
父母要知道子女的需要,,不可一味認為自己是對的

有冇人覺得個仔/女變成咁,仲會覺得係個仔/女錯晒,但佢父母對佢既教育就係頂呱呱??

其實冇可能,,子女的行為多數受家庭影響
因為由細到大接受家庭灌輸的觀念
如果家長的教育方式真的是好,,
子女不會出現任何問題

人地話三年一個代溝，加上現代的年輕人思想前衞，當然不喜歡被父母管束。

其實青少年總會有反叛的時候，想接觸新鮮的事物，我覺得倒是很正常，又不可以說是子女的錯，又不能說是父母教導有問題。

2009-01-12 15:09:06 補充：
其實我會覺得一個人十多年來都對着家中四面壁與家人，說真的，會感到厭悶…也不難怪他們會對家庭表現得冷淡。

與朋友相處就像養小動物一樣，會投放很多心思，想着怎樣滿足對方，但自己偏偏就是被家人寵養的一隻小貓，這是愛與被愛的分別。

我並非為人父母，是為人女兒的。


但我完全明白你的感受，其實你仔/女的社交生活都是大部份年青人既寫照。


飲茶時: 嬲爆爆，人在心不在，只顧同人傾電話/sms，原因是因為佢地覺得同父母冇話題，根本唔知點溝通及表達自己。


同朋友傾電話時，永遠心情勁靚，對朋友更加是百倍關心。
我的看法: 因為明白到父母是陪伴自己長大的，他們的壞習慣、缺點、性格等等不好的地方，父母都會無條件地包容; 反之，年青人是比較介意同輩對自己的看法，所以對待朋友，佢地會刻意地做好自己，因為他們深知朋友對自己不會處處遷就，對嗎?

總捨來說，他們並不是一朝一夕變成這樣，而是漸變。可能從小雙方便缺乏溝通，當他們長大了，已不需要父母貼身地照顧。他們有自己的社交圈子，正所謂: 有毛有翼識飛了，也不能全怪他們。


要改善雙方既關係，必需花時間多了解他們， 你要令佢地有興趣同你傾偈，但偏偏這一點是很難做到的。關心不等於囉唆，如果你只會跟他們說:「唔好咁夜番!」、「又花咁多無謂錢」或「又唔幫手做下家務...淨係掛住打機、上網」等等負面的說話...佢地又點會鐘意同你傾偈? 試下俾佢地適當空間、自由，這也應該是年青人最需要的。要知道: 捨就是取愈囉唆只會令佢地愈反叛。


又可以試下投其所好，但要有意無意(不要太著跡)，例如一齊睇電視時傾下劇情、帶佢地出街食最鍾意食既野。一齊上網或玩online game可以嗎? 無論傾咩都好，第一步係要做到同佢地有溝通、交流。


其實要同子女溝通，真的需要終身學習，有時父母的苦心...恐怕要等你的子女當爸爸/媽媽時才會明白。我知道我的意見未必幫到你，但我好希望你唔好灰心...畢竟有很多父母也可能正面對著你的處境，你不只你一人! 不妨打開心窗，跟街坊/親戚私底下傾訴一下，即使對事情幫不上忙，你的心情也會好一點....但切忌讓你的子女知道你批評佢地，會很反感的!!


P.S. 有時年青人表面上嘻嘻哈哈，但這未必能反映他們的內心世界。可能他們是寂寞的，是需要人關心的。而他們表面上對父母漠不關心，但事實是否如此? 要留待你用心觀察了....