對男友佔有慾太強 有咩方法可以解決?

唔好一味覺得你自己錯,睇到你遍野個人覺得除左可能你過度緊張外,都有可能你男朋友唔夠好,令到你有d過度緊張.

你要搞清楚,

你問題? (佔有慾太強?)
定佢問題 ?(係咪佢愛你唔夠?第三段估計出來)
定2個都有問題 ?

你仔細回想清楚
1.你點對佢
2.佢點對你(思考時請將佢o既甜言蜜語同浪漫撇除,先有清晰思維,認真思想佢對你做過d咩"實際行動",有無關心過你)

-一個男人愛一個女人的話,男人係會主動搵女人聯絡,約會......,而且會有交帶.

然後,
你要衡量一下,
佢值唔值得你同佢一齊.
要唔要繼續同佢係埋一齊

-------------------------------------------------------------------------------

如果真的是,佔有慾太強
你想像一下,
如果你男朋友叫你除左佢,咩人都唔好聯絡,你又好過咩
-------------------------------------------------------------------------------
增值自己的外在美,內在美,智慧,學識,人際關係,財富

愛自己多些吧

如果愛情人多於自己,萬一遇到不好的人,就會被利用,控制,受傷害的只是自己

跟值得的人一起

你要記住, 安全感唔係靠佢比你, 而係靠自己比自己
當一個女仔有學識, 有內涵, 有修養, 有自信, 就唔會擔心搵唔到男人. 就算冇左呢個男朋友, 你只會搵到更加好既.
你男朋友都係人, 永遠唔係你可以擁有架, 就算結左婚都一樣架咋. 你越迫佢越走架咋. 兩個人一齊要輕輕鬆鬆冇壓力先可以長久架嘛.
你平時可以搵多d野學下, 睇多d書, 識多d朋友. 幫自己set個schedule, 呢個schedule唔好為左佢而變. 即係, 如果佢臨時得閒, 但你本身係要去做facial既, 都唔好為左佢而改期呀. 男人會欣賞一個時時刻刻可以保持自我, 唔會凡事都以佢為先既女仔架. 你重視自己, 佢先會重視你架!

放多點感情和時間去家庭和朋友度. 腦袋裡不要只有你男朋友一個人. 比自己空間多點, 就算佢同朋友出去, 你都可以同你 D FRIENDS 一齊, 或同你家人都 OK.
可能大家因為分過一次手所以你現在好怕失去佢. 你講你對佢信心唔夠, 係佢身邊安全感唔多, 但你知道嗎? 就因為你時常咁唸, 所以無以間你已經破壞 了大家 ge 感情, 你咁做, 你男朋友都會覺得好累... 你要對佢有信心, 而唔係比多 d信心自己.
首先你要去改變自己, 多愛惜自己, 不要將自己全部ge感情都放係佢一人身上, 除了你男友, 還有很多很多人值得你去愛惜和關心, 例如家庭, 朋友, 又或者自己一個人enjoy都係好. 常常依靠著你男友, 只允許佢心裡面只有你一人, 這是不能發生的事, 到了一段時期後, 我恐怕分手會再來多一次....

我覺得如果你初初拍拖, 有呢個想法係正常既.

當你拍耐d, 對佢 (或對自己)有信心後就唔會再係咁.
又或者你可以擴闊自己既生活圈子, 識多d人, 同其他人去多d街, 咁你唔得閒就唔會咁多時間胡思亂想架啦!

呢個世界唔係只係得愛情, 仲有親情, 友情, 就算拍拖或結左婚都一樣要各方面平衡.

你要記住, 這個世界唔係得你一個人, 你同男友都有自己的朋友家人, 佔有慾太強會影響關係, 最好係各自有自己的空間和適量的自由, 否則過份自我, 爭吵不休, 遲早會散, 希望你明白, 改善一下自己的性格, 多為人設想

睇到你呢一篇有少少感嘆
因為我最近聽過一個朋友就係男友既世界得佢一個
佢覺得好sweet但唔適合佢
因為佢覺得男友應該放多d心機係工作朋友等地方
最後分左手

我覺得，本性難移。
可能問題唔係你身上，一個依賴性高既男友可能比較適合你