關於相機防潮箱一問

其實相機鏡頭等都唔係話咁容易發霉的,尤其近排天氣咁乾燥,就咁放係度幾日唔理佢都唔會有事的.
有時去成個星期旅行都冇可能成個防潮箱帶埋去,咪一樣唔會發霉,只要帶啲一包包既防潮珠同部相機放埋一齊就可以頂住一陣.
不過你話你自己冇防潮箱就有啲問題,即使部機跟住你身佢其實一樣係受緊潮的,亦冇可能一日24小時都用緊部機,始終都要放埋一面,所以防潮箱是必要的.要買一個.建議最好買電子防潮箱,因為佢有恆定濕度設計同埋有晒間格方便擺放器材,插住電放晒啲器材入去就得.價錢其實唔貴,都係五六百蚊.
如果真係唔想成日插住電,咁其實搵個密封膠箱加放潮珠一樣得.不過濕度控制就冇咁好,想睇住濕度變化就要買個濕度表.放潮珠又要耐唔耐整翻乾佢或者更換,建議你可以買一隻插電就可以整乾防潮珠的吸濕卡,大約$100至$120.