元朗交通一問(元朗公園,吉慶圍,大棠荔枝園,屏山文物徑及聚

其實都好多地方，車費都幾貴下
我建議你先去任何一個西鐵站的客務中心買張西鐵全日通，收費為$20
跟住，用果張西鐵全日通可以全日任搭港鐵巴士(K73P除外)、西鐵及輕鐵
所以，應該先由吉慶圍出發，跟住行過去錦上路西鐵站，買張西鐵全日通，搭西鐵去朗屏西鐵站
去到朗屏站，搭港鐵巴士Ｋ６８號便去到元朗公園
接下來，再搭港鐵巴士Ｋ６８號去朗屏，再轉搭港鐵巴士Ｋ６６號去大棠，於大棠總站前一個站落再行過去
跟住，搭港鐵巴士Ｋ６８號過番去教育路果面，再去搭往天水圍或屯門的任何一架輕鐵去屏山
再者，去屏山搭輕鐵761P號去天耀站，再轉輕鐵705號去天水圍站便到聚星樓
跟住再於天水圍站搭輕鐵705/706號去濕地公園站
最後搭番輕鐵705/706號去天水圍站，於天水圍站可以選搭港鐵巴士Ｋ６５號去流浮山