用定焦鏡影小朋友好不好

✔ 最佳答案

你朋友所說的有道理,但也要小心光圈開得過大有景深不夠的問題.建議一定程度加高iso例如用iso 400甚至iso 800.唔好靠晒開大光圈,尤其近攝影大頭,景深好容易就包唔晒塊面.而且因為景深淺,對焦是有一定難度的,一唔小心就會矇.
D60冇摩打配50mm f1.8係會要手動對焦.想要自動對焦可以考慮Nikon新出既AF-S 50mm f1.4.約$3890.記住唔好買錯AF 50mm f1.4.嗰支雖然平,但一樣係冇自動對焦的.
或者副廠Sigma 50mm f1.4 EX HSM,約$3400.
30mm即係焦距短啲,要走得埋啲先影到50mm相同既範圍.你可以去以下網頁比較下30mm同50mm既分別.其實如果你有Kit lens.分別扭去30mm同50mm都睇到分別.
http://www.tamroneurope.com/flc.htm
F1.4代表光圈比f1.8更大.光圈值越細代表光圈越大.更大既光圈可以有更多入光量同埋更淺既景深,所以f1.4定焦鏡係比f1.8貴的.
最後係即使光圈夠大,冇快門唔夠快既問題都好.都要留意下室內照明,最好唔好喺陰影下面影小朋友,冇直接光到的話只會影到淤淤黃黃咁,唔靚的.

回答 (1)