熊仔鼠天氣問題

凍既時候,鼠鼠係會食少左野同訓多左既,雖然係正常,但唔舒服都會同類似既情況,加上天氣凍都易病,所以為鼠鼠做好保暖之餘都要多加留意鼠鼠身體及排泄物有冇異常
對鼠鼠最佳既溫度大約20-26度天氣凍or溫度急降既時候,可留意以下既事:
A.保暖
凍既時候,可以用鼠專用棉,同埋用多d木糠,再放鼠鼠去適當既位置,一般在香港室內,其實都會夠暖
都可以買一d寵物用既暖墊,上一年Q-PET有得買專俾鼠之類用,而家唔知有冇,你都可以去爬虫店之類買既,Q-PET既早前見到既係5百幾,符合機電公程署既標準;其他既都有,$300左右

籠擺放既位置要留意以下幾點:
1)要放在通風陰涼處
2)唔好電視等等好嘈既地方附近,而電視更加係有電磁波,易令鼠鼠患腫瘤
3)唔好放在俾雨淋到既地方
4)唔好放在曬到既地方
5)唔好放在冷氣風口位
6)唔好放在太凍or太熱位置

B.鼠棉
同鼠鼠保暖既鼠棉,在天氣較涼既時候,一般鼠店都會買得到,主要都係以下呢3種質地

圖片參考：http://i176.photobucket.com/albums/w162/kelvin320/070920-1.jpg


1)最左邊啡啡地既係類似墨盒用既棉,比較軟,但你會見到有d雜質,我用手攪過同睇過,就覺d野都冇咩問題,我手皮膚敏感,好易會feel到d野有冇問題,有時掂木糠都會十分痕,所以咁試我覺得安全d
加上呢隻用唻做窩真係好好,佢一盒有3包,一包入面都幾大舊
2)中間既都ok既,比第一款冇咁軟
3)右邊既就唔好,七色,都有第款類似既係純白色,完全係人用既棉花咁既,所以唔係咁好,特別係一粒粒細細粒既呢隻,鼠鼠去做窩時會做得冇咁好

C.避免進入冬眠狀態
野生既倉鼠其實10度or突然凍左好多都可以冬眠,但由於倉鼠被當成寵物之後,已經好少會冬眠,冬眠既能力已經好弱,所以唔可以俾冬眠呢個行為發生,唔係好易死既.當鼠鼠有好凍,呼吸好慢既情況,就要馬上令鼠鼠慢慢溫暖返(唔可以突然好熱),如果真係都好凍,就要馬上睇醫生了
不過如果身處香港既話,放屋企入面,唔亂咁放,唔係咁易會出現冬眠既情況,n年前屯門試過2度,我住屯門既,冇暖氣,隻鼠都冇咩特別,所以唔洗太擔心.室溫唔會令人覺得太凍太熱,咁就可以了

D.危險既保暖方式
睇過一D網友講既保暖方式我覺得較有問題,可以留意一下避免意外發生:
1)唔好用人用既藥棉俾鼠鼠保暖,比較易令鼠鼠有過敏反應,過敏嚴重係會致命
2)唔好用毛巾蓋住個籠,原因如下:
a)如果係通風式既籠,鼠鼠會接觸到毛巾,鼠鼠好易會去抓毛巾,咁就有機會抓出毛巾既線,線纏住指甲就好麻煩,好難整得甩
b)放毛巾去阻擋光線,會令鼠鼠對日夜分唔清,咁會令鼠鼠身體產生混亂,失眠,情緒出現問題等負面影響
c)毛巾一時放一時唔放,就好似不斷去改變鼠鼠既生活環境,一樣易令鼠鼠不安
3)唔好俾毛巾,衫之類俾鼠鼠,同樣都易令線纏住鼠鼠既爪
4)如果有暖氣,室溫有變化時,已經好暖就唔洗放鼠棉,同時留意返唔好將鼠鼠放太近暖爐
5)唔好放紙巾俾鼠鼠用,因為紙巾較易令鼠鼠有過敏反應,嚴重過敏係會致命,唯一可以俾鼠鼠既紙巾係廚房用好大片既,但就唔係咁保暖,一般會在鼠鼠有過敏時,唔用木糠就會用呢d紙

健康

MY BLOG：http://hk.myblog.yahoo.com/chongmeihung2
我同個女第一次減肥ok啦！健康好左。

營養蛋白素
一杯相當於33種蔬菜, 6種水果,內含200多種營養素,蛋白素相等於5錢燕窩、2份蔬菜、1份水果、1塊牛扒同半杯鮮奶！

濃縮蘆薈汁
功能 :
促進體內的自我潔淨功能，令消化系統更健康
紓緩消化系統的壓力
維護消化系統功能的正常運作，確保腸胃的潔淨
清除體內毒素。
增強免疫功能。
對抗炎症，消炎止痛。
促進傷口愈合。


養成健康習慣，健康 D開心美麗!
歡迎您聯絡：www.healthcometrue.com/life