我男友讀緊毅進. 我和他一起其實不太耐, 只係5個月. 同佢一齊果時已經知佢讀緊. 上一個月佢讀完主修科. 其實讀果時d女仔係咁打比佢, 咁佢話係同一組做project我無法啦. 但讀完之後d女仔都係咁打比佢約佢出黎. 我其實都好唔開心...
之後佢仲有4科自選科要讀. 佢讀左有3科都冇咩問題, 應該男女都會讀, 而且都唔係話冇用ge. 但有一科佢竟然報做接待. 佢平時d性格已經不適合做呢行, 加上要英文勁先可以做倒的. 而且佢亦冇諗過將來做呢行. 唔明佢點解仲要報, 呢科係女仔科. 好少男仔會讀.
之後接待呢科竟然唔夠人數開唔倒班. 我幫佢睇過明明有其他男女科或男仔科可以選, 唔單止唔同佢果3科撞時間, 而且仲係將來都有d用. 不過佢唔揀, 揀左報西式甜品!! 後來佢打去學校問仲有冇位, 之後佢好唔開心咁話學校話full左.
點知第2日佢走去報埋剩低果科, 之後佢打比我果時第一反應係咩都冇講, 笑左下. 我問佢做咩咁開心, 心諗佢一定係唔知報左邊科先咁開心. 佢話佢報左西式甜品!!! 我那時心痛到... 我問你唔係話full左咩, 佢話佢去到原來仲有一個位喎!
---------------------------------------------------
件事大約係咁樣. 大家覺得我因為男友讀甜品班而唔開心係咪好唔正常? 我真係控制唔倒自己positive d... 因為讀甜品班的都是女仔... 而之前佢又咁多女仔追.....
諗起果時我主動問佢拎facebook (但唔係想追佢, 只係想add多個朋友, 而且add左佢之後見佢係交往中, 我更沒有諗過同佢熟), 但之後佢msn add左我, 我同佢開始有傾計, 之後有出街, 好快就一齊左. 我會諗... 會唔會係女仔想識佢佢都會接受呢? 咁如果佢讀甜品會唔會出現同樣情況?
唉. 呢度我唔講咁多佢既野. 因為要講有排講. 我只係想講點解有其他有用既科唔去揀黎讀, 要兩次都揀女仔科黎讀?
總之我都有心理準備..... 我亦只可以講, 如果佢真係就咁同人地拉埋左, 我都要慶幸我早d睇清楚這個人.
我不是要說他有什麼不對, 只是他給我的感覺都是只選女仔科黎讀..
我只希望大家比你們的意見我. 我應該怎樣做, 我要怎樣去面對. 因為我實在極度不開心以至食親野都嘔......
更新1:
我可以肯定他對呢d科是沒有興趣的,而且將來不會在呢行發展. 如果他係認為對佢將來有幫助,佢有興趣的話, 佢讀女仔科冇問題. 正面既諗法我怎麼會沒有想過. 但是再跟佢平時對我的態度, 平時既為人比較, 跟本match唔倒... 唉. 或者, 平時佢對我冷淡, 我應該不要再去估計佢是否還愛我. 初初拍拖怎麼會冷淡.. 只是有需要時才找我...
