去警局認人是否需要同家長一齊去?

1. 如你未夠18歲, 係要由家長 / 法定監戶人陪同認人嘅.
2. 去到差館, 同值日官講你約咗某CID認人(打電話俾你果個). 個CID會出嚟接你去認人室. 之後會由一位幫辦或以上級別嘅警察向你宣讀及講解認人手續事項. 之後會要你簽名確認及會俾一份你存底. 然後疑犯及戲子進場. 認人室有反光玻璃, 你睇到佢佢睇唔到你, 所以唔使驚. 認到人就講佢個編號俾幫辦聽, 認唔到就話認唔到. 之後會同你落份口供, 確認你認到 / 認唔到人. 你睇清楚內容後會再叫你簽名確認. 之後會俾一份copy你存底. 然後走得.
如你未夠歲, 家長 / 法定監戶人會要在你簽名處加簽作証.

不論係去認人或被人認，未夠18歲就要有家長/監護人在場的.
去認人：
你去到警局後聯絡之前聯絡你的警察（軍裝/ CID），之後會帶你去一間證人等候室等候認人程序開始，當開始時會先有一位督察（最少3粒花）會見你，帶你去見下間認人房，略略簡介程序之後返回等候室等；之後會再叫你入去（疑人及actors已排好陣），你便仔細望清楚是否認到，認到就大聲講那人地上的號碼，認唔到就大聱講認唔到，之後可返回等候室．認到就會攞口供，認唔到就可以走．
千祈唔好估，因為疑人有機會唔係度的；一般敏感或性罪行案件才會用單向鏡（即你望到疑人；疑人望唔到你），其他會兜口兜面認的．
被人認：
你去到警局後聯絡之前聯絡你的警察（軍裝/ CID），之後會帶你去一間疑人等候室等候認人程序開始，開始前會比份同意書你簽（簽後一份比你），開始前會有一位督察（最少3粒花）會見你，帶你去見下間認人房，略略簡介程序之後返回等候室等；之後會就會有actors入來，叫你係入面揀走一位，之後你再揀地下一個號碼企埋去，其他協助的actors就會先動fill-in吉位，之後證人就會入來認，認唔到咪無野囉，認到就視乎仲有咩做，好多時都會落charge.
成個過程，證人，疑人及actors係唔會有機會互相見到的！