會考中文小組討論問題

基本上自己就覺得作為首次發言既同學只需要重複講一講今次既題目就已經可以發表自己既意見,俾定義既情況應該係係自己需要十分強調個一點既時候用(姐係唔想俾人諗左去第d野)
界題我諗只係需要出現係有人離題既情況,所以每個考生都應該諗清個題目,因為好多人講講下會講左去第d野,咁呢個時候就俾d心水清既同學拎分啦!不過真係要諗清諗楚個題目講咩,因為見過有人以為自己好醒話人離題,跟住俾左個機會人地showoff,反而係每一個part做個小結會有用d
跟住小弟唔係太明咩發言45秒,自己發表完自己意見就ok,時間上唔駛太計較,發言次數當然唔好太少,唔係考官好難俾分,太多亦唔代表一定好,係要有point
壟斷發言唔一定講得多就係,打個比如,如果成班人唔出聲,得佢一個人唱獨腳戲,維持唔好air,仲得閒問下其他人野,咁就唔算壟斷,而係帶領住個討論,通常呢類人加埋內容有d point既話都唔會太低分
假若有人壟斷發言,你可以等佢講完一個點個陣個一下cut入去,例子你應該聽下朝早講社會時事個d phone in節目,佢地都係等人講完一個point到就cut,但好明顯個聽眾仲想講,你可以試下咁cut入去,如果都係唔奏效,你可以直接講,咩同學,可唔可以俾我發表下少少意見?咁仲可以令老師覺得佢壟斷,扣佢分
中途俾人打斷的話,如果你唔係講得太少同已經講完個一點的話咪俾人講下lo,話唔定有新題目呢!如果真係一定要講埋,你咪話,唔好意思,可唔可以俾我講埋少少意見呢?切記要禮貌!
總結就睇時間,正所謂豐儉由人,總結未必一定要做,如果有剩時間1-2分鐘,咪就講番話我地頭先講左好多野,包括有咩咩咩咩,我地總結左要點點點,跟住咪問下人有咩要補足,冇既話就講句多謝大家既討論就可以完左佢
有咩要留意:輕鬆討論,愈輕鬆愈易講,好似同人地吹下水咁就得,成班人鬥頂係冇用,只不過係句野講出黎個陣用腦諗一下有冇point,唔好太亂吹,同唔好講英文,"一d"呢一類既都唔好
最後希望幫到你,考好d~