更新1:
有冇人試過特區護區有效期唔夠六個月而成功出境？有冇人試過因為咁而去到機場都出唔到境？好憂心…
更新2:
我用智能身份証…想問航空公司係咪會唔畀我上機？我聽朝諗住一早去辦台證…點算好？可唔可以唔用特區護照申請台証呀咁？謝謝好心人這麼快覆我…感激
更新3:
今日去入境處，結果講完自己件事，連「籌」都拎唔到就畀人打發走，一句「不足六個月唔會畀你上機」。既然一早到左，最終都有申請個新護照，有機會埋到櫃位再趁機會問一問「聽日上機，有冇其他辦法」。個女人望一望我，未講完已話無辦法，不過又即刻補多句問我過去做乜，（我估如果真係死人林樓可以即日有證批囉，但明知旅行探親不列入緊急事故，自己都冇再死纏），跟手就話個新passport 29號有得拎，問我仲繼唔繼續申請︸
更新4:
唉…再聽有朋友提議先網上登記台証，去到現場搏佢睇唔到我過期，幻想佢地會因我係遊客而網開一面。當然去到職員第一眼已睇到護照過期日，再同我講「有效期不足六個月，航空公司都唔會畀你上機」，跟手keep住我d證件，叫我輪籌等取消個登記，但如果唔取消就咁閃左去，三個月內都唔使旨意再登記。結果，戇居居排多四十五分鐘，只係等佢一句「取消左你登記喇，拎到新護照再登記過啦」 ~~~我最後究竟去唔去到台灣呢？？？…等我聽朝去埋機場返黎再同大家報告，我同大家分享係希望下次大家唔使再做傻瓜~~~~
