✔ 最佳答案
我本身都有上去廣州同東門買野ge,
我多數係留意十字繡,以十字繡為例,
廣州同東門D貨係一樣,但廣州係平過東門。
好似同一件貨廣州要$5,東門就要$10。
廣州批發就係海珠廣場、解放南路、一德路附近,
即萬菱玩具(商場)果帶,佢之前有個玩具精品批發巿場,
而家就執左,開左縮左做細細ge舖頭,都係返原來果個位。
你唔識路可以搭地鐵去海珠廣場果個站,出左就好易搵到架啦!你搵一德路就冇錯架啦!
另外深圳就仲簡單,你搭地鐵去老街站A出口,
一出已經係一個商場,已經好多野買,
你由老街A站行到一個叫"九龍城廣場"已經有好多野買。
至於搭咩上去,睇下你住邊啦!
去廣州
1. 旺角坐直通巴,平日$80-100,去到再轉的士或地鐵,
地鐵坐三個站大約係$2~
2. 坐火車~大概$150
去東門
去到上水,再坐火車去到羅湖約$25,再坐地鐵到老街站$2
另外一提,介紹你一間東門ge餐廳,
食越南野的,A出口一出,左手邊一直行有一坐青色的建築物,
二樓或三樓有間大概叫越式美食的餐廳,$25-$30一個餐,
次次上去都食架,值得一試!
希望D資料會幫到你啦!
2009-01-17 23:54:17 補充:
補充一點: 我上親去都係用人仔,深圳好似會收港仔。