我係我媽同未來老公中間做夾心人,好辛苦,有無人可以幫到我

本人係女,3月份就結婚,我媽本身係一個非常傳統及十分硬頸既人,以前就曾經因為我叔幫佢剛入門既老婆同我媽嘈,我媽可以嬲足成十年,到而家都唔同佢地來往,我爸已經係做夾心人,而家輪到我,我媽就成日話我未過門就幫晒男家,成日鬧我,我又唔可以頂撞佢,如果唔係一陣佢暈地左我仲大件事,我已經認晒錯,斟晒茶,認晒衰女,佢仲係要嬲,先前已經為左擺酒D人情邊個收返嘈過一次,
今次又為D餅咭嘈,事源-我媽之前話要230張餅咭,但女家親戚朋友,唔係太多,(我媽話傳統上長輩要派雙邊餅),我地根本上就唔知咩黎,咁較早前有特價已經一早買左放係我屋企,雖然我男友事後係我面前講過我媽誇張,但我話我傳統上係咁都無辦法,咁都無野,到最近我媽突然話到時過大禮回返20張餅咭俾男家夠唔夠,叫我問下,咁我男友話有多咪俾返我,事後我照講,跟住就即刻鬧,話我好幫男家,邊有多左俾返佢,話明嫁女餅就梗係我要晒,我可以一張都唔俾,咁我話當我講錯野,表達錯左,20咪20,無問題,我地一路都預左佢要晒,係佢突然間話俾返我地,咁我地咪以為佢係有多剩,跟住又鬧到我好似地底泥,我一路認錯佢一路鬧,鬧足兩個鐘,我真係唔知點做好,(最慘佢又唔激得,佢好耐以前曾經有過D類似精神病既野-輕度,個時我仲細個佢無同我講,但我見到佢個時成日食藥,我望過個藥袋先知,爸又叫我地幾姊弟唔好激媽,要聽話,所以形成我地屋企無人敢駁咀,無人頂撞佢)佢成日都話唔係賣女,但佢明知我地係無錢,仲咩都要足,(傳統上有咩都差唔多要晒),但我地真係負擔唔到,唔通要借財務去為左完成我媽既要求,我爸都話算,最重要個女開心,有人錫佢就夠,但我媽反而話佢自己好辛苦,要揸頸就命黎就我地,我仲唔明,我地好多野都就晒佢,我同我男友都為我媽既事嘈過,之後好彩我男友都就晒我去滿足我媽既要求,但我媽個日鬧完之後,而家開始話咩都唔理,叫我地自己攪掂,唔好煩佢,佢話如果唔係到時佢頂唔順,連擺酒註冊都唔出現,我信佢會講得出做得到,所以而家咩都唔敢問佢,但驚我地如果到時做錯佢又鬧,又發脾氣,又收唔到科,好煩......仲有兩個月先捱到結婚個日,好彩我結婚之後搬去我男友屋企住,我而家真係好驚對住我媽,又唔敢講咁多一句野,一陣又唔知邊句說話佢唔啱聽,又俾人鬧,好怕.....有無人遇過類似情況,又或者有邊D高人可以指點下我,佢得我一個女,我都想佢高高興興飲我杯茶,但而家連我都怕左佢....我真係唔識點做好,HELP