好想做媽媽.....試過好多方法....都係失敗....無奈

你有無試過去睇中醫呀! 你咁多年都無...不如去調理下身體, 咁樣容易中喎!
我之前都有試過去睇中醫, 醫師話我子宮壁膜唔夠厚, 同埋排卵唔夠成熟, 西醫又話我有子宮後屈, 所以有bb都好難. 如果你子宮壁膜簿, 就算精子去到卵巢都難著床成孕.
同埋你本身經期準唔準, 平時來M會唔會有M痛架?
我平時M期準..但次次都有M痛, 後來醫師話我要無左M痛, 同埋來經時要排清D血塊, 咁樣先容易有BB.
但我自己就睇左三次(每月一次每次食三日藥), 咁經痛真係少左, 但呢位醫師係要求你來經時睇佢, 先會睇得最準, 所以打後都就唔到時間睇, 睇完呢三次, 隔左三個月後就BINGO左.
而且你都係27歲...仲有好多機會呀!
希望你早日BINGO!

我覺得你真係可以試下睇中醫，首先調經，再補身
我之前湊住個仔，成日都好攰，加上經期成日都唔準，試左幾個月都唔得。之後去睇中醫，醫生話因為我本身個人比較虛，加上成日操勞，會比較難
而且佢仲提醒我，除左平時飲藥之外，每次黎完經乾淨後一定要飲番一劑補既藥，咁樣可以補身亦可以調經
我果時一星期飲一次藥，經期間唔飲，完左之後飲兩劑，第三個月就成功嚕~
其實除左睇中醫之外，你亦都要放鬆D個人。唔好一路諗住為左生仔而去做，可以試下去唔同地方做，又或者去下旅行，再唔係做之前同老公飲番兩杯先，等個人RELEX D，咁會容易好多
當然你都係揀岩日子啦，係兩次經期中間果一星期，隔兩三日一次就OK架喇。我中果次成個月都係做2-3次咋，所以唔代表做得多就容易D有架

你試下計算清楚你的排卵期啦.....一個月得大约5天可以成功

祝你早日懷孕 :)

http://www.babycenter.com/ovulation-calculator

可以試試看中醫調理一下身體,之後再找家計會計劃一下.

你不如去家計會睇,佢有一個部門:生育指導,d醫生好好,我在2008/2月開始睇,今年9月就有bb,而且唔貴,一次$100(唔包檢驗),我在灣仔診所睇
禾輋診所:tel:26042720
灣仔診所:tel:29197774
馬頭涌診所:tel:21920201
希望幫到你啦!!!
p.s:提提你,如果去睇就要盡快book,要排隊

小朋友其實好得意, 係佢搵你而吾係你搵佢, 適當ge時候佢自自然然會叩你門, 急吾來.

多謝你嘅回答...
其實我都試過d咁上吓野.就係聽人講話完事後薦高個臀部訓左成晚......但都係..........
我知有時可能越想有越去唸就無.........我都成日同自己講放鬆d唔好去唸,但真係好難..........

親密完把雙腳及肫部舉高或做 "供"橋動作, 好讓精子流入體內, 不會流出體外. 時間約 15分左右. 不過, 這是天賜給你的不能太強求. 越強求越無. 越順其自然越易有. 祝你早日得到自己的愛情結晶品.