假如你是曾蔭權,你會推行甚麼措施來挽救民望?

1. 取消問責制局長，回歸以前制度，咁公務員晉升有望就會做好啲。
2. 引入責任福利，啲攞福利嘅人就有責任對社會建設及環保出一分力。社會福利在於提供人民基本生活保障，所以用一個金錢數額會引致無休止紛爭，而社會剩餘資源正好填補這一倘空缺。
3. 利用社會剩餘資源如菜市場賣唔出嘅菜，飽餅店的到期糕點，超市內到期基本物資如牛奶、肉、魚、蔬菜，以成本價收購然後用食物銀行或福利團體分發有需要人士。咁做除咗環保，解決企業浪費引致成本要轉嫁消費者，仲可以減少濫用綜援。
4. 公務員薪酬以社會同級平均工資做基礎而非用一個薪酬加幅。淨係睇每年啲公務員團體討價還價，再睇番出面環境，有時真係覺得班友好樣衰！
5. 醫療應該公營化，並引入中醫葯制度。咁做係因為中葯可以在公園及香港土地培育，而制葯標準化亦可提升香港成為中葯中心的地位。以中葯去抗衡外國葯廠的無理苛索，將資源投放人民基本醫療需要，扶植本土醫療人員培訓，醫療費用變成可以人人消費得起，咁社會就可以穩定。
6. 以曾先生而家嘅聲望，最好都係辭職，咁全香港人民﹝可能唔包括高官、商界領袖、外資炒家！﹞都會齊起鼓掌！
純屬個人意見！

沒有智慧的人,可有公德.怎做亦只有徒然!
自行離開還尚有勇點,民望不在於職,是在於別離!

老曾只是老大, 做野只是下面班細嘅, 但嗰班所謂大內群英真係不知所為, 有事一味互相推卸責任, 不求有功, 只求無過, 樣樣講依足程序, 不求變通, 話知你有人死喺門口都要依足程序, 不做不錯, 就可順利過渡至咬糧, 有大班如斯馬仔, 又如何做得好而能深得民心, 民望又如何能不插水?
老曾如想挽救民望, 便須引入能人輔助, 不管是國內人才也好, 又或國外專才也好, 反正能攪好香港的便是好猫, 不要只按基本法高官只可在香港七百多萬人內尋找, 要知道香港已是國際金融中心, 仍墨守成規, 在毫無競爭下單選港人任高職, 能攪好香港才怪, 不是在踩低那些現任高官, 內裡存在著一班池中無魚虾自大之井底之蛙。老曾若要趁有生之年做好呢份工, 能名留青史的話, 便要與中央爭取修訂基本法來引入人才, 當然何謂真正人才? 這便是老曾責無旁貸的責任了。