我想練胸肌,但係驚無得高(我14歲),同有咩方法可練

你大可以放心，14歲理論上可以做些簡單的負重運動，亦不唔影響增高和發育的。不過，一般都唔會建議 16 歲以下做負重訓練。

首先，任何運動在發育期做得過量都會妨害增高的。不過係好過量好激烈至會有這種影響，所謂過量運動，係講緊連續好幾年，每日都練十幾個鐘頭個 d 專業運動員啊，咁就會影響他們長高。

普通人，做下運動和負重訓練，要練到那種程度幾乎是不可能的，就算你想練都咁劇烈都極度困難！要你連續打幾年 PS3/NDS，每日打十幾個鐘頭就或者還容易點吧？

不過以肌肉訓練來講，不過一般講法是 16 歲以下唔需要做肌肉訓練住，要注意係 <唔需要>，不是<唔可以>。因為一般呢個歲數後肌肉至會開始發展，與增高無關係。

你今年 14 歲，仍處發育年齡，我建議你做多點一般性鍛鍊，例如跑步，打籃球，游泳，增強心肺功能及骨骼強度，打好基礎及幫助發育，到１６歲再做 gym 就事半功倍啦。

當然，你真係好希望練胸肌的話亦可以，例如做點掌上壓，游水等，都可練點胸肌線調，不過唔會好勁好大 - 到底你咁年輕，好難練都有正式胸肌的，都係等多兩年，到 16 歲去康文署轄下的 gym 度正式學健身吧。

運動後記得要補充營養呢，對你健康發育和增強體能/增肌都有重要的，必須多食碳水化合物和合蛋白質。

蛋白質：肉，魚，奶，蛋
碳水化合物：飯，麵，麵包

別忘記充足休息呢! 每天最 8 小時睡眠，而且定時上床/起床才能夠增強體能的，否則無論你點練，營養幾充足，體能和肌肉都不能增強的。

除了運動，亦必須要有均衡飲食，例如碳水化合物和蛋白質，前者提供能量，後者幫助發育和增肌。

亦建議你請教學校的體育科老師，我相信他們也能夠針對你的問題，建議你做合適的運動，始終我無見過你本人，又唔知你體能和運動習慣，只能夠提供一些籠統的建議，唔夠針對性。

另一方面，我並不建議你在家裡做負重運動，例如舉啞鈴 (或用其他重物代替啞鈴來舉)，因為重量訓練要由教練或懂得健身人士親身指導的，否則個動作做得唔正確的話，唔單只無效，重可能會受傷添。

我在另一條問題也列出了自己的增肌心得，有興趣可以去睇睇：
http://hk.knowledge.yahoo.com/question/question?qid=7008100501355