猫女發情後多少天才能做結紮手術?

喵～～喵～～
女仔貓其實一般要去到八個月或以上都已經可以做絕育手術了，係家貓的，問醫生，佢地都會答等貓貓起完第一次水後已經可以做，野貓就唔同，就算佢已經見肚，醫生都會幫佢地做落胎手術。
所以診所姑娘所講出係概要，並冇欺騙，但點解要等貓貓發情兩個月才做，我想係因為這時候剛好係貓貓的求偶季節，已到成熟期的貓先生貓小姐都已經到了發情期，箇中風險ＨＫ君已講解得好清楚，兩個月後應該係三四月，發情高峰期已過，所以才會這樣見意
但這是一般情況下，若然你貓貓在發情期時未得到正常交配，貓貓會在發完情後的第２０天左右會再次發情，所以你應該在貓貓開始有發情的行為出現時，計計時間，而開始要預約做絕育手術。
發情中的貓貓小姐行為上同平時會唔同，例如會喜歡跟人，嗲人，尿頻，疏理自己的毛毛會多咗，你輕輕拍拍牠的PAT PAT，牠會供起個PAT，這現象在發情期時大約維持一個星期至十日左右，所以要預約就要這個時候。
但如果貓貓在發情期間已得到正常交配，你也可以做，貓貓的受孕期大約三個星期，那即是話你可以在貓貓交配後的三個星期內做手術

2009-01-08 16:01:56 補充：
我唔認為係因為獸醫擔心你隻貓女會喺發情期間已引至懷孕,所以叫你等兩個月(貓女懷孕期大約是兩個月)!!

因為貓貓在兩個月懷孕期後，佢會把貓仔誕下，跟住便會有最小二至四個月的哺乳期，這是新生小貓的關健時期。這段時間，醫生更加唔會做這項手術。因此，見意貓貓在兩個月後才做絕育手術應該跟懷孕無關

2009-01-08 16:17:59 補充：
有一樣重點需要知道，如果貓貓在發情期間得不到正常的交配，佢會在二十天後再次發情，如是者，每次發情與回復正常的時間只會越縮越縮短，所以才會有為何貓貓有不停地發情的情況發生

2009-01-09 08:38:31 補充：
我係話『受孕期』，唔係『懷孕期』，兩者係唔同ｋａ，受孕係精子和卵子結合的過程叫做“受精”或“受孕”受孕就是懷孕的開始。

如你係去愛護動物協會. 佢地成日都咁講 ka wor...唔想做呀嘛. 去番私家醫生會好好多. 但滿 1歲先好做. 因8個月太細. 佢都未發育完全. 貓 1歲 = 人 20歲. 故你要等佢身心 D 器官都發育好晒. 先絕育呀.
我養左 6年幾貓的了.

嚴格嚟講貓女只要over8個月就任何時間都可以做絕育,就算佢已經懷孕,都可以做終止懷孕嘅手術,同時已可以做埋絕育,不過因為貓女發情期間,子宮會有充血現象,情況同懷孕時相似,所以會增加咗手術嘅難度同手術嘅時間,所以一般獸醫會建議等貓女發情完咗至同佢做手術!!如果你都堅持要喺佢發情期去做,獸醫都會同佢做,不過費用就會貴咗,約 $900 左右!!亦唔係每個獸醫肯去做!!因為時間長咗,佢會做小好多生意!!
其實貓女只要完咗發情,就可以做絕肯手術,如果獸醫要求你兩個月後至去做,我相信係因為獸醫擔心你隻貓女會喺發情期間已引至懷孕,所以叫你等兩個月(貓女懷孕期大約是兩個月)!!
如果你屋企冇其他未絕育嘅貓仔,你可是肯定你嘅貓女唔會喺呢段期間懷孕,建議貓女完咗發情一星期左右去做絕育手術!!原因並唔係因為貓女完咗發情子宮重會充血,而係好多貓女發情一段時間,停咗一兩日又嚟過架,你跟本唔可以肯定佢係唔係真係完咗架!!所以會建議完咗發情一星期左右,佢又冇再叫,至同佢去做會好d!!
http://hk.myblog.yahoo.com/jw!VRFr9zyREQPCzxI.nf_Kmf8W9fg-/article?mid=818
以上網址係有關貓貓做絕育嘅祥細資料,希望可以解笞到你嘅疑問啦!!

2009-01-09 03:54:12 補充：
回應不再流浪的貓──『伯爵』
貓嘅懷孕期需要63-65日,即大約兩個月左右!!而唔係3個星期喎!!
參考資料:http://www.pethk.net/content/cat_question.html

當然我知道母貓完成生產後係需要2個月嘅時間去俾bb飲奶,我嘅意思只係個醫生想證實貓女係冇喺發情期間懷孕,而唔係要等佢生咗bb至可以做絕育喎!!