有冇人參加永安韓國五天團(SKC05N) 4/2出發?

ＪＯＩＮ那間都差不多，　最重要是當地領隊。去了多次分享Ｄ心得比你啦！
韓國多是凌晨機, 到了韓國,領隊會比我們留在機場約 1小時, 食吓嘢.可兌換韓幣(won)-因太早了，無景點可去。不用在香港換WON, 因99%貴. 香港***1000 WON 換 HK$6.5-7 。。 韓國　1000 WON 換 $5.5-6 走時在機場兌換回港幣。
到時你可行出機場門口(1 minute), 便 feel 到有幾凍, 之後便可在行理取衣物換. 所以去時不用穿太多衫. 我去多次大部分Ｄ團友穿雪褸，羽絨。　一去到大家已穿，不用去雪場已好凍。　早晚都好凍。有Ｄ拎不夠衫便病。我覺得買衫好過買藥（睇醫生）。室內與室外的溫度相差太大，入到室內一定熱，有定心理準備，一定即除外套，冷衫，抓毛衫。你也不留在室內太久（多是用膳）見到雪一定走出外，食完一定逛街ＳＨＯＰＰＩＮＧ︿︿
一般底衫 +羊毛底衫/冷衫+羽絨, 厚褲／雪褲, 羊毛襪/襪 + 雪boot/行山boot（防風及防水） , 帽及手套 (市區行街)
韓國已-9度, 若你今日香港５－９度不用穿外套,便不用拎太多衣物.
要滑雪, 但沒有滑雪經驗, 便要小心扭傷.不可穿波鞋 or converse (雪地 )一次滑雪可在當地租雪褸/雪褲/雪鏡/雪鞋(租都貴的), 韓國dirty D. 旺季好多時唔夠，便不洗，轉頭租比人。雪鏡好重要, 因雪地+太陽光 好傷眼,在shop & YahXXX拍賣買. 不滑雪時, 用太陽眼鏡.我年年去，上年勁勁凍，今年都ＯＫ

我在網上買雪帽，雪褲／雪褸＄１００－＄３００看清楚Ｄ賣家評分，有Ｄ賣抓毛褲／綿褲欺騙人。有雪地相仲好。花Ｘ街／出口店都有滑雪用品，但真假一起賣，小心Ｄ，你去多Ｄ Columbxx, North faxxx, Aiglxxx, Lafumxxx and Pro-camxxx　看看摸摸Ｄ料，再上網ＯＲ到出口店買。大公司任你問及試。
４／２　先去，可等新年後大大減價才買，這段時間睇家Ｄ款，價錢。

酒店大部份是勁暖氣(拎多套夏天衣服)
乾燥, 記得帶D MASK,護膚野Lotion, lipsticks. , 仲有涼茶包裝去沖,因多數食鐵板燒,超熱氣.