✔ 最佳答案
伯母對腳冇力到咩程度? 自己企唔企得穩? 最適合佢做嘅運動係游水, 因為可以訓練到雙腿力量之餘對關節嘅衝擊又唔大, 運動又可減重. 最理想係佢識游水, 就算唔識都可以扶住浮板做自由式踢腳或蛙式撐腳嘅動作, 初時由游15至20分鐘同唔使太用力(每星期最好有三次), 做咗一段時間之後視能力加快踢的頻率同增加時間, 到對腳嘅力量強D時可以加埋散步. 我媽媽今年已經78歲, 游水不單止對增强佢雙腿力量嘅效果好明顯, 運動得多睇落去佢成個人容煥發好多, 個人重身輕咗.
食療方面可試吓用茨實, 鮮栗子(去殼及皮, 用真空包裝已去皮嗰D都得), 陳皮(浸軟, 刮去白囊), 瘦肉同乾豬腳筋(雜貨店有售, 用前先浸軟)煲湯, 將上述材料全部放入水中大火煲滾後轉小火煲3小時再落鹽調味即可, 呢個湯有健脾壯腰補腎功效, 栗子雖然有防治高血壓, 冠心病同骨疏鬆等症嘅功效, 但由於伯母同時有糖尿病, 故此不可吃太多.
如果經過一段時間嘅鍛練之後情况如果冇改善或者重差咗, 咁就一定要同伯母去睇醫生喇!
2009-01-06 12:59:42 補充:
伯母有冇check過骨質密度? 有時骨質疏鬆嚴重嘅患者會因脊骨壓到神經而出現下半身(雙腳)冇力嘅情况, 建議你都係盡早同伯母去睇醫生check清楚, 唔好比情况惡化落去呀!