我同男朋友分手，我可以點樣做......

我同我男朋友由初中就開始拍拖，直到高中，不知不覺已經拍拖五年，直到聖誕節既時候，我同佢提出分手，因為某d原因...而佢亦都接受咗，其實，之前我已經提出分手好多次，不過，次次都係因為唔捨得，而係番埋一齊，直到敢次，我地真係完結啦，自從我提出分手之後，有一段好短既時間無見面同無聯絡，直到我見到佢同第二個女仔一齊，又聽到其他同學話佢地拍拖，我真係好傷心，我好唔明白，同我分手無幾奈，佢就同第二個女仔一齊，而且呢個女仔之前就好鐘意我男朋友，亦都同佢表白過，不過，可能因為我既關係，我男朋友都無理會，直到我同我男朋友分手，佢就同哥個女仔一齊，我真係好難過，之後我亦都有發信息比佢，問佢點解，佢淨係話一言難盡...之後，我打過好多次電話比佢，佢都無聽，發信息比佢，佢都無覆，最後，佢有發番個信息比我，話叫我唔好再打電話同發信息比佢，佢唔希望我地之間有誤會，佢話我好聰明，會明白佢既意思，亦都好希望我可以韻到屬於自己既幸福，收到佢呢個信息，我真係心碎啦，我唔明白點解佢要敢樣對我，我曾經亦都發信息同佢講過，希望我地可以復合，但係佢無回覆，之後，我每日都過得好辛苦，好難過，成日都諗起佢，又無心機温習，就連功課都無交，淨係識得難過，其實，佢已經講得好清楚，係我自己諗唔開，畢竟我同佢都拍拖五年，係實實在在存在過，我都好喜歡佢，但係我真係好難忘記佢，到底點樣先至可以忘記一個同你拍拖五人既人，我真係好辛苦，我好想忘記佢，希望大家可以比d建議或者辦法比我，等我可以忘記佢，自己亦都可以過得好心d......唔該啦......