我父母親已經買了現在住的公屋 我還是公屋住戶嗎?

1. 個公屋單位你們已經買了，怎會還是”租戶”呢？你們還有”交租”給房署嗎？
2. 你的家庭已經享受了一次資助房屋福利，以低價買了一個公屋，還想再買另一個公屋或居屋，是否對納稅人太不公平？
3. 首先，你已經不是公屋租戶，因此不存在再買租置公屋或綠表居屋的可能性，政府已經停止出售公屋，居屋你可以用白表申請，前題是你要合符資格

第一個問題,以你所講既情況,你當然唔係公屋租戶,你父母已成為業主,同房屋署已唔存在租務關係,但如果你地仲係租戶時,有你戶口的話,咁買左之後,房署仍然會有你記錄,你係其中一個住戶.你暫時無法再獲得其他房屋福利,包括公屋同居屋,因為父母親已經用租者置其屋計劃買左你地間公屋,而你又係住戶一份子,咁你已經享有一項房屋福利.
但係你隨時可以去房屋署申請除名,就係填張表咁簡單,除左名之後,你就唔算享有福利,以你情況可以用白表去抽居屋.另外提提你,除左名之後,如果你父母無立到平安紙,你就唔會直接承繼你父母間屋,如果屋入面有其他未除名既住戶,就由佢地承繼,如果無其他住戶,你父母其他親屬有權同你爭奪繼承權.
至於你話可唔可以再用租者置其屋買計劃購買其他單位同埋用綠表買居屋,其實係同一個問題,因為呢兩項福利都要係公屋租戶先可以享受,你當然無得享受,只能夠會白表去抽.
其實今年樓價應該會再跌,我建議你可以諗下買私人樓,因為居屋二手市場價就算天水圍都好,最平都要四五十萬,趺幅有限,而私人樓,只要離市區有d距離,例如元朗,屯門,粉嶺,荃灣之類,廿幾三十年樓d細單位又或者d單幢物業,有機會六七十萬就有交易.