有無人在工作上有過純真之後俾人hurt的經歷?

以前份工個老細當我唔係人, 什麼也給我做, d同事就得成日吃喝玩樂, 返工hei下又一日, 可能就是能者多勞啩, 因為我的學歷比其他同事高幾班, 不過我又唔係最高人工個個喎, 試過所有同事開心放2星期暑假, 個老細就叫我幫佢做計劃書俾教育局,話好趕, 要一個星期完成 做完個計劃書, 又話個機構出書, 我又要負責其中一部份, 如是者我無放過假, 人地係可以放有薪假期, 我呢, 有薪, 不過要做野囉, 只不過我所謂的有薪假期的工作地點由學校變做屋企, 個時我又好天真同好傻以為佢覺得我有能力所以重用我, 所以一直無特別去同佢計較工作量, 因為佢成日都係咁, 我重試過傻到有幾次唔sleep開通宵幫佢做野, 實際上個d工作又唔係我應該做, 因為我的職責只係教書, 而唔係幫佢做成個機構評核老師的表格, 呢d梗係留番俾佢呢d行政人員做, 我又唔係間學校的行政人員, 後來因為一d誤會我喊住同佢講我唔sleep同佢做野, 佢開口就話"你願意噃", 呢句好hurt 囉, 個時先如夢初醒, 原來咁勤力, 咁卜心卜命做野, 老細只係當你好使好用同聽話的妹仔, 難聽個句就係使人唔使本, 重要佢猛話唔做野班人好喎, 我呢, 就話我唔成熟, 個一刻我就知道老細永遠係盲嘅, 同埋你愈勤力老細愈俾野你做, 老細又永遠你應份做, 可以話因為你入世未深容易恰, 所以而家轉左份新工, 我做好自己本份, 其他工作, no way, 因為之前份工的經驗話我知出來工作乖巧勤力係唔會有實際好處, 只係會比人恰, 乖巧勤力永遠只可以是自己做學生時的專利