通常乘客在九巴車廂內跌傷，司機罪名成立的機會大不大？

事發當日，司機上晒客之後關門，望吓中鏡全部乘客已坐下，然後按報站器叫人緊握扶手後開車，巴士已經離開車站好遠之後，前面的另一架巴士突然停車，本巴士行緊35公里，離前車約12米，我當然慢車後停啦，接着一個女人(呯彭）一聲，撞向車頭之八達通機，額頭勁流血。（她可能在行車時突然起身）

已經找到證人，她是亞婆，她說受傷的女人在車廂內唔知做乜行來行去

我在差館時，因警察話可以唔落口供，問我想唔想落，我選擇唔落，因我驚講多錯多，現在我收到警署給我的訴訟信，我都唔知點算？！


我本來想補落口供, 但差人話已經進入施法程序了
所以不需再去差館了，佢叫我在法庭自辯。我昨天去找法律援助處排期（2月10日），到時問他的法律意見，仲有問他，我如果罪成，會有什麼懲罰等等。

有法庭信呀
2月16日早上9：45am上庭。今日星期六，啲部門都休息，找不了幫手。內容話：
有人提出告發，指稱你在2008年9月14日下午6時10分於沙田正街近燈柱DE0151（橫壆街方向），身為展示登記號碼的巴士司機，以巴士司機身份行事時，無合理辯解而沒有採取一切合理預防措施，確保該巴士上的乘客的安全。


我而家真係唔知應該點做呀??