✔ 最佳答案
我諗你最好係帶佢睇醫生排除番係心同肺既問題
年紀大既人咩都會差d
特別係個心同肺
個心個方面可以係高血壓心臟衰竭
肺既話可以有慢性呼吸道阻塞病變（COAD特別係食煙既）
亦可以係哮喘（的確老人家係少見但都係會有）
肺炎甚至係肺癆肺癌都有可能
如果係同個心有關既肺水腫
除左氣喘之外
依d情況可以有腳腫
響腳眼附近用手指按會有手指印唔識散既話
依d已經要睇醫生
到佢條氣真係好喘先睇
情況已經好嚴重
如果係同條氣管有問題成日條氣都差
即係佢唔夠氧氣
講真揀住一個後生條頸佢都頂唔到好耐
何況係一個老人家D氣管收窄晒
吸唔夠氧氣二氧化碳又響度積住晒
你唔帶佢睇醫生即係睇住佢差落去既啫
於心何忍
通常氣管有事既人無論係老人家定係細路
醫生開既哮喘噴霧通常都可以頂得下
但係之後都係要睇醫生吸番氧氣
同埋搵番係咩事令佢咁喘
比如係肺水腫呀氣管發炎等等係要即刻醫
醫遲左到身體好唔夠氧氣個陣要戴呼吸機手尾就勁長
一住住番成三個月院都有之
唔好以為老人家氣喘下可以屋企搞掂
搞到唔湯唔水老人家遲左睇醫生
都係老人家辛苦唔好搵D咁野黎搞
早D睇醫生入院聞下氧氣可以好番既做咩唔做
氧氣同哮喘噴霧唔可以冇睇醫生自己比
因為兩種都係藥黎比錯左可以整死個老人家
老老實實睇醫生吧啦
2009-01-03 22:58:49 補充：
你個醫生應該有開氣管藥比佢……
哮喘噴霧都可以頂到一陣間
但如果冇既話
佢氣促個陣真係只係可以送佢入醫院
條氣促佢都自動休息座直個人黎抖氣
除左依樣之外
冇其他野可以幫佢
參考: 千萬唔好當老人家氣喘係好小事。老人家同正常人一樣唔應該有氣喘。你係緊張佢既話，其實氣喘得唔係好緊要已經要送入醫院。再遲D有咩事冇人知，我唔係講笑。肺炎係老人家既第一殺手， 咩長期病甚至冇病既老人家都係死於肺炎。
