✔ 最佳答案
以我嘅背景經驗絶對可以同大家分享吓.
楼主所聽嘅電台節目內容只係講中一半,當中嘅內容都係事實(不過只係某部份師傅).有心敎學嘅師傅都大有人在.
另一方便好多人都急攻近利,只學左三幾堂或短期課程就出嚟幫人睇風水敎風水,敎學嘅內容東拉西扯全無系統,結果係害人害己.
楼主我諗你口中嘅高人應該係有真料實料嘅師傅,最重要係有良心,所以係可遇不可求.收費多少同幫唔幫倒你可以係唔卦勾嘅.
大家可以參考吓以下資料再揾師傅:
1.揾師傅最好係由信得過嘅親友幫親過再轉介比你.
2.師傅嘅背景同出身,跟邊個師傅學嘅.佢同個個師傅嘅關係如何係學生(用金錢換知識),徒弟,定係入室弟子.
3.售後服務期係幾耐,三年,一年......等.
4.價錢係包D乜野.
5.大概點樣同你睇風水,如乜野派別.
6.絶對唔會減價頂巿,收開咁多就唔多,唔會話因爲同你有緣所以收你平d,更加唔會收左錢就算數.
7.有無寫字楼,無嘅話有野問點樣揾番佢.
8.無論收費多小師傅都有責任講解比你知同做到最好.
9.睇風水都唔係食即食麵,睇錯睇漏害死人,所以用嘅時間都會好多.
10.唔會叫你亂買野.
揾人睇風水最重要嘅唔係令你"風生水起,係唔會衰過衣加".
唔好嘅風水係會應得好快,所以放錯野就好大問題,真係可大可小.
未有信心個個師傅真係幫倒你就最好唔好睇喇,避免比人呃錢之餘同做人白老鼠喇.
2009-01-12 11:11:33 補充:
所謂"售後服務就係請個師傅講明佢收得你個舊錢/利是一封,包你一個時期內有問題發生,個師傅要同你處理番.個期係幾耐就要你地傾嘅無一定.
至於你個句"風水佬呃你十年八年"就係我答你答嘅目的.即係話我唔想D害群之馬呃人,所以至係亞虎尼個平台出現.
一般人都以爲風水係批你嘅未來,所以D風水佬(極不尊重嘅字眼)/害群之馬只會預測你十年八年後嘅野,個陣時都唔知乜野世界等你追究無門囉.
我接觸嘅風水同所有術數一樣,係可以講出你宅內過去現在同未來所發生嘅事包括它內各人口,細仔到性格健康.過去嘅野都講唔出或批唔倒,咁佢批未來嘅事情重邊有信心呢???
2009-01-12 11:11:52 補充:
售後服務係比客嘅信心,另一方面帶出師傅嘅責任感,無論師傅收幾多錢,總之收得你錢就有責任傾盡所識所學去幫你.絶對唔可以博大霧收完就算數走人.
7.有無寫字楼,無嘅話有野問點樣揾番佢.
楼主你有所不知喇,業餘嘅都可以係其它地方以掛單形式營業嘅,睇佢係業餘到乜野情度喇.
以上係本人愚見,可能未得大家認同.只將我所知行內嘅事情同大家分享.