想問 葵芳地鐵站 點搭去 紅堪??

你去新都會後面，沿興芳路往青衣方向直行（即係唔好番葵興），過左葵涌運動場上橋，唔洗過對面馬路，直行到尾落橋便可以，落橋後便會搵到個叫葵涌交匯處的巴士站，你係果度可以搭
九巴路線４１Ａ號　長安←→尖沙咀東
非空調巴士全程收費為$5.0；空調巴士全程收費為$6.8
尖沙咀東巴士總站下車，上橋便過到去紅隧收費廣場，再過橋入去紅磡站，出番去便可以

或者入去大連排道，上樓梯，再過橋，去青山公路嘉翠園果面，業成街站選搭
九巴路線３５Ａ號　安蔭←→尖沙咀東
非空調巴士全程收費為$5.0；空調巴士全程收費為$6.7
尖沙咀東巴士總站下車，上橋便過到去紅隧收費廣場，再過橋入去紅磡站，出番去便可以

小巴便去葵涌廣場，搭荃灣往來土瓜灣的紅色小巴（倒頭車服務），你可以上車問問司機，入到荃灣，再等佢開車
跟住便會經紅磡去土瓜灣，單程$12~14（時間不同有不同的收費）


如果搭港鐵，咁係尖沙咀及尖東站轉會比較方便
不過一定要用八達通
於葵芳站搭荃灣線去尖沙咀站，跟住經非付款區的通道去尖東站
再於尖東站搭東鐵上紅磡站便可以
葵芳站→尖沙咀站，八達通$8.0
尖東站→紅磡站，八達通退番$0.7
總共$7.3

係咁啦，搭巴士便要行去搭35A/41A
自從地鐵通車，葵芳（即垃圾灣填海區）果個位基本上是冇巴士出去的，只有入新界的巴士，所以要上山（青山公路）或差不多入到青衣（葵涌交匯處）

由葵芳出發到紅磡，只有鐵路而沒有巴士及小巴。從葵芳出發，到太子轉官塘線，到九龍塘再轉東鐵，在紅磡站下車便可。