點解我有8,9個好朋友的同時，連一個可傾心事的朋友也沒有?

我都試過你咁既情況

其實一生人,可以傾到心事既人都係得一兩個

也許只係你未遇到!

正所謂"近朱者赤,近墨者黑"
你現在知道你既朋友接近個個人,就預左佢地都會變壞
但係遲d佢地會唔會變好,會唔會同你做fd呢?
大家都唔知!

如果你真係好唔鍾意個個人
而你d fd又同佢一齊既話
你又有冇同你d fd講下你的感受呢?
而佢地可能會體諒你既感受!

若是他們唔體諒你,咁就證明
佢地唔係你既知心好友!
咁你不如學下認識多d朋友!

你怕你會打佢
咁樣你只會係比同學壞形象
D同學就會更加鍾意同佢玩
而唔LIKE你,所以你一定要壓制自己情緒
你想打佢既時候,就諗住個個人帶假面具,始終都會
有人揭穿佢既醜陋
又話者,你忍唔住,就大大聲咁講:「嘩!好曬呀,就黎曬死啦!」
即係暗示佢係度曬命,正常人會冇聲出
除非佢唔正常啦!

HOPE CAN HELP YOU!

你平時有咁多朋友
但係竟然一個知心既都冇
會唔會因為你唔敢/唔會將平時自己既事同人講..
可能係因為咁,你d朋友都唔同你講佢地既野..
如果你真係忍唔到就唔好忍
你自己都覺得辛苦啦
既然依班fd唔岩玩
咪同過第二班囉..
不過 知己難求..
唔好咁輕易就放棄喇!

我都試過你呢d情況既,我諗你現在同你一齊的所謂<好朋友>,只不過是玩樂的朋友吧,你不妨多認識一d有共同興趣的朋友,好像鍾意打war game,煮嘢食,打波,睇小說的朋友啦,試下咁樣可能好d呢~不需要出手打人既,佢講咩咪日後自己受返,,有因果報應的~哈哈...

正所謂：「千金易得，知己難求。」其實，人生之中，要找個可以互傾心事的「知己良朋」，其實並不容易。你所遇的煩惱，也是十分尋常的，很多人都會遇到，不用太過擔心。

不過，很多時候，人往往會誤以為自己沒有傾訴心事的對象，而感到更加難過、不安。但是，這很可能是身邊親密的人不夠聰明，不知道你有心事，所以沒主動的找你傾訴。只要你主動向你的朋友訴苦，他們往往會很樂意與你分憂的。

又或者，有時可能真的是天意弄人、時機不合，在你不愉快時，你的好朋友又碰巧有事忙，那就是忍耐一下，等她有空的時候，再麻煩她與你分憂吧。但是，最重要的是你要主動一下，先向別人求助呢。

正如你所講，你跟ｒ最為要好，我想，ｒ亦會是你最信賴的朋友吧。其實，如果當你有心事的時候，可以嘗試找一個只有跟她共處的時刻，趁着人少少的時候，跟她說一下心事。人多的時候，反而不好傾訴。

若果，你還未對ｒ完全信任的話，可以找一個你最信任的人，將你的煩惱跟他說說，讓他給你一下意見。

有不快的心事，與其一個人面對，躲着哭，倒不如找個你信任的人傾訴一下吧。如果你的朋友真的值得信賴的朋友的話，他們必定會在你不愉快的時候，樂意跟你分憂的。放心吧。

至於講的ｗ的事，如果她真的那樣討人厭、愛炫耀、以讓人難堪為樂的話，有兩個方法。一是以其人之道，還治其人之身，讓她問白到被人挖苦的難堪，讓她得到教訓。不過，相信你是一個友善的人，這個方法應該不太適合你。

而另一個方法，就是減少跟她的接觸，這樣可以減少自己被傷害的機會。最重要的是，近朱者赤，近墨者黑，你被她的討人厭的性格所感染的話，就後果嚴重了。

如果你真的想出手打她的話，你就打她……「小人」啦。灣仔鵝頸橋的婆婆，打一次「小人」只是三、四十元，就當是在金融海嘯其間，資助一下低收入的老婆婆之餘，又可以發洩心頭之恨吧。畢竟，出手傷人會給一些不明就裏的閒人說三道四，又讓一些衰人有「惡人先告狀」的口實，對自己不利。

如果你有信主的話，就應該記得耶穌的教訓吧－－要愛仇敵。不過，我不是教徒，不多言了。

其實，人生是一個十分奇妙的漫長旅程，你可能今天不好運，遇上了ｗ這樣的衰人，但是，當你不斷長成的時候，你就會遇上更多與你性格相近的人，可以成為你的好友的，放心吧。