關於拍賣郵寄的問題(20點)

我想問平日郵寄方式都是以到銀行入數給賣家,那有不用到銀行入數的付款方式嗎?
有，有d銀行提供網上理財服務，用者可以於家中使用電腦於網上過數。
那付款後貨品會甚樣到達買家的手上,是由郵差負責送上買家手上簽收吧,那要給郵差送貨的費用嗎?
那要視乎你以什麼方式郵寄，普通平郵或是掛號。
普通平郵，最普通的郵寄方式，即係最平$1.4，無任何保障，通常1-2個工作天收到。
以呢種郵寄方式交收，好處係平，但係會有可能寄失，如果你件貨比較貴或者重要，我建議你加$13掛號，會比較安全。
掛號，除基本郵費外，再加$13，會比較安全，因為郵差會派遞上門，並需收件人簽收。
其他關於拍賣郵寄的付款和收貨的重要事情：
1.如果你選擇拍賣郵寄交收，入錢後記得要保留收據，直至收到有關貨品為止。
2.平郵及掛號，通常1-3日一定收到（撞正長假期，有大量郵件需要處理，派遞時間有所延誤），如果成4-5日都未收到，就要聯絡賣方了解事件。
3.收到貨品後，拆之前要留意外面有無破損、被人拆過等，之後chech下件貨，有無係郵寄過程中破損。如果有，就要hold住件貨，最好影埋張相同賣方聯絡。
4.如無問題，就互相評分。
如郵件太大，郵差會有以下幾個方法：
1.上門派遞，就算唔係掛號，有d郵差都會上門派比你，當然如果幢大廈無升降機另計，呢個取決於個郵差自己，公司無硬性規定要咁做（我試過）。
2.放於管理處或信箱頂，當然要郵差覺得管理處信得過同治安要好，個郵件唔會比人偷，先會用呢個方法。
3.退回郵局，再寄領取郵件通知卡予收件人，通知收件人到有關郵局領取郵件。
不過，我建議如果方便，最好都係面交，一來可以節省郵費，二來當面check貨，有咩問題可以即刻提出。

現在比較流行是委托物流運輸代客交收貨品,安全,快捷,
更可代客交收現金支票文件.
我有朋友用以下公司,服務OK.
e-mail :: [email protected] 聯絡取資料.
圖片參考：http://tw.yimg.com/i/tw/ugc/rte/smiley_35.gif