免治豬肉蒸蛋4人份量要用幾多免治豬肉?

四人份大概要6両(半磅)豬肉左右(可叫豬肉檔代攪碎), 另4至5隻疍以1:1.1至1.4嘅比例兌水(視乎個人喜好而定, 越稀疍味就會越少), 要注意豬肉一定要煮到全熟才可食, 如果生免治肉去蒸, 水滾計要冚實蓋蒸最少15分鐘, 咁D疍就會記哂"蜂窩"太老, 你可以用少少油先將免治肉炒熟(炒至半熟時落少許鹽至一路翻炒到熟)先同旦漿一起放入深碟中(最好係不銹鋼碟), 大火燒滾鑊中的水後收至中細火, 將碟疍放入後冚上蓋, 每隔兩三分鐘掀開蓋以泄一下D蒸氣, 直至蒸到碟中心D疍都凝固便可. 咁樣整雖然需時較耐, 但係就算你只加小過1:1.2嘅水D疍仍然都會好滑, 因D肉炒過所以好香又唔使擔心唔熟.
P.S. 有 人話用嘢墊起鑊蓋的一邊就唔使成日掀蓋, 但我未試過.