BMW 寶馬 318i . 328i

買得二手寶馬/平治入門model, 仲要成十年車, 多數都係為咗名牌效應, 滿足虛榮心而矣. 328i當然比318i好力, 但你都講咗, 328i係六缸, 318i係四缸. 有咩頭暈身慶, 328i維修價錢一定比318高 -- 換火咀都貴一半 (六支 vs. 四支), 偈油又用多D.
唔計維修, 其它洗費都多. 每年運輸處牌費係計引擎容積收錢. 318i 係 1900cc (唔係1800cc), 牌費一年 $5794; 328i 係 2800cc, 牌費盛惠 $7664. 重有328i一定大食過318i. 如果係剩係玩牌子, 何必要買大cc車? 就因為328i需求少, 自然叫價唔高.
至於320i 比328i高價, 因為E46 320i係入門直六寶馬, 後期嘅M54B22引擎都有2200cc, 328i用嘅M52系當時已經係技術貨尾. 同埋同樣都係有名寶馬直六引擎. 但耗油同牌費都比328i平. 而325i年份較新, 又用較新engine, 力水同328i差不多, 但同樣耗油同牌費都係比328i平, 所以多人揾D. 呢D都係點解328i價錢冇其它model企得咁硬嘅原因

應該與購買保險有關，1999年車現在剛好10年，一般人可能無法出保險。通常是公司或車主為第二部車購買，才有機會出到保險。