o係QE生走佬袋要點執

我都係QE生B既~ 不過其實間間醫院既走佬袋都一樣，分別唔大
準備用品 - 大人﹕
洗面毛巾，刷牙用品，梳，產婦衛生巾兩包，紙巾(盒裝比較方便)，飲水杯，乳墊(不用太多，10-15片，因為第一胎剛生完未必夠快上奶，所以未必用得著)，外套，內衣，內褲/網褲兩三件，清洗傷口器皿(我生果時，媽咪用d細個既礦泉水樽，入定d凍滾水，一樽分兩至三次用，去完廁所之後用黎沖洗傷口，分便又簡單，可以唔使特登買個清洗器皿)，出院衫褲一套(有d人驚個頭入風會拎埋帽
有D人會帶埋沙威隆開稀佢沖洗傷口，不過未必一定要，我就一次都冇過
準備用品 - BB﹕
尿片一包，濕紙巾，BB出院衣服(和尚袍及包被)

另外如果入院時唔係著拖鞋，就要帶定一對去醫院，因為係醫院著拖鞋會方便D。
提埋你，除左隨身帶住身分證之外，記住放定D錢係銀包/走佬袋，萬一有咩事要入醫院果時，身邊又冇人係到，都可以即刻坐的士去醫院
產婦既衛生巾，一隻就好似平時既M巾咁，黏貼型。另一隻就係有繩既(另外仲有一包橡筋圈既野)。我生果時兩款都有買，不過就覺得平時用開既黏貼型好D，一來方便，二來係有繩果隻基本上係完全唔識用...................=.= 所以我都只係當佢普通黏貼既衛生巾咁用。我當時好似係買高潔絲既，藍藍地色，萬寧屈臣氏惠康都有
最後就係走佬袋其實都冇話點分入院一袋同出院一袋既，不過因為好多用品 (尤其係BB出世後先用得著既用品) 係入院時根本都用唔著。亦有好多人唔想你入院時咁"論盡"，所以好多人就會分開兩袋
一袋就係入院時既用品，例如係日常用品/必需品 。另一袋就係BB出世後既用品，例如係洗傷口既用具、BB既用品等等，呢一袋野，就算BB出世之後未到探病時間，屋企人拎去醫院都可以叫姑娘拎比你，再唔係問姑娘、隔離病床都借得到。至於媽媽同BB既出院衣服，都可以係臨出院前叫屋企人幫你拎去醫院都未遲

我上年都喺係QE生ka , 入院嗰袋你要執ga係 :
FOR媽咪 :
1.)網褲(大約4-6條倒)
2.)產婦用m巾 , 我就買無扣ga , 因方便d , 好似平時用gaM巾咁用
3.)抺手紙巾(買"sott....."lee隻牌子 , 係惠X有得買 , 因lee隻比較軟身無平時嗰D抺手紙咁粗 , 抺手紙用黎洗完傷口印乾D水ga , 咁比起用毛巾抺會clean D. 因日日都要洗傷口 , 如果用毛巾會好唔衛生.
4.)衛生瓶 , 洗傷口用ga~~~
5.)日用品(毛巾 , 牙刷 , 梳 , 面霜.................)
入院袋唔洗扲太多野 , 如果咁啱你生得要上產房又無親人係身邊 , 你又1袋2袋 , 又陣痛梗 , d姑娘唔會幫下你手不突止 , 仲會叫你快手d執(仲要比說話你聽) , 所以最好1袋搞掂 , 一話要推上產房就一手掟個袋上床等d姑娘推你走 , 唔駛左執右執!

FOR BABY :
1.)尿片(如果無帶去 , E院會借住比你個baby先 , 第二日你先生黎探你叫佢帶埋黎比baby順便還返比E院.)咁就可以扲少1樣野喇 , 唔好睇少包尿片呀 , 都好重ka~~你諗下你陣痛梗又要扲你個入院袋 , 又要扲埋包尿片 , 都咪話唔辛苦~~~~~E院係用"pap...."ka
2.)濕紙巾 , 幫BB清理POOPOO~~~你可以帶住2-3包輕便裝先 , 第二日你先生黎再帶比BABY , 如果成包濕紙巾帶去 , 你個入院袋又會好重ka喇...........總之有咁輕便得咁輕便啦.............

至於出院.................
FOR媽咪 :
1.)一套衫 , for你出院著啦~~~~~最好橡筋頭運動褲(推薦一套嗰d運動套裝) , 因生完未收肚 , 著橡筋運動褲唔怕唔啱著 , 長衫長褲又唔怕凍親.........................
2.)帽........有d媽咪怕凍親個頭第日會頭痛 , 但我就無..............

FOR BABY :
1.)一套衫仔 , for baby出院喇....(最好係人地bb著過唔要ga , 聽d老人家講如果bb著lee d衫出院會乖d好湊d , 我個仔都係著人地唔要ga衫仔出院...............到現時為止 , 佢都尚算好湊........^^

大致係咁上下啦~~~~~~開開心心等個baby出世啦~~~~~~
祝你生得順順利利~~~~~

去吉之島嬰兒用品部,佢地有張咭仔清楚列明所有物品,非常實用,走去收銀度問佢地拎就可以。