黃大仙地鐵點去樂湖輕鐵?要幾耐?

你是否一定要左轉右轉搭地鐵及西鐵再加輕鐵？如果唔係何解唔搭巴士，又直接又方便：
係龍翔道黃大仙中心（地鐵D1出口），就有架九巴269C（車費：$16.5）
入到天水圍後，在賞湖居站落車，因樂湖居與賞湖居就在隔離，所以落車向後行廿米左右，右轉便是樂湖輕鐵站．
既方便又快捷，車程約45分鐘必到！
回程亦只需到下車對面馬路搭番269C，在黃大仙中心（地鐵E出口）就有站（車費仲有回程優惠）

你可以搭地鐡由黃大仙到美孚轉乘西鐡綫, 其間唔使出閘, 地鐡站內有指示牌教你點樣行去搭西鐡綫(往屯門方向), 真係唔識就問港鐡職員, 佢地一定會教你.

而轉乘西鐡綫後, 在天水圍站下車(西鐡天水圍站要出閘), 再轉乘706號綫輕鐡到樂湖站.(輕鐡係開放式設計, 當你由西鐡綫出閘後,記得要在輕鐡月台入閘機確認入閘, 如果唔係就會比人以為你坐霸車, 雖然搭完西鐡轉乘 輕鐡有轉乘優惠, 但唔代表你唔使確認入閘, 到樂湖站後同樣記得要確認出閘就可以), 由天水圍坐輕鐡706 綫第3 個站就係樂湖, 比個小貼士, 坐西鐡時坐在車尾的車廂, 到天水圍站轉乘輕鐡時會較為方便.

時間你預鬆小小, 一個小時都可以

希望幫到你