個男仔係咪對我有好感????

我識左一個男仔3個月左右,我同佢係同事,起初覺得佢無咩野既,但最近呢個零月佢開始鐘意打探我既事.
又試過搭我膊頭同埋摸我額頭.

先講facebook事件 --->
有次我係公司申請facebook,佢見到我開左facebook,佢即刻去左個人資料果度睇我係咪單身,之後隔左兩日左右佢就@左我,我因為果幾日好忙,所以無@番佢,佢第二日就催我叫我@番佢.之後我facebook張個人照片係一個唔太出名既男明星,佢見到就係咁問我果個係邊個,猛同其他同事講話果個係我男朋友.

跟住有次我病 --->
佢主動行過泥我身體問我係咪好唔舒服,又有d緊張咁望住我話"唉..點會病架你"之後又拎d水俾我飲,好溫柔咁話"病要飲多d水啦~"

有次成班同事一齊約睇戲 --->
有個女同事問我join唔join埋一齊去睇戲啦~咁岩我果日又約左第二d fd,所以我話去唔到,咁岩俾個男仔聽到,佢即刻好嚴肅咁望住我話"做咩唔去呀!!!"之後果幾日佢都一直游說我去.

有次去踩單車 --->
我地因為太多人一齊踩,結果分開左兩批人踩,跟住同我一齊有個女同事中途有事要走先,咁得番我一個人去追番另外d同事,咁個男仔就打泥問我依家係邊,我話得我自己一個,佢就問我洗唔洗佢番轉頭同我一齊踩,我就叫佢唔洗特登踩番轉頭,點知收左線無耐,佢就出現係我前面,當時係佢自己踩番轉頭搵我,但係果段路都好長下架,之後又係咁問我累唔累,又話幫我拎袋,又問我係咪架單車好難踩,之後仲同我換左車踩.

我生日 --->
前排我生日,佢係咁問我生日果日去左邊度玩,同邊個一齊,係咪約左男朋友咁.

有時我唔開心,佢又會問我係咪唔開心,又會諗d笑話dum我笑,我見到佢都會有d唔開心.但係平時佢又會成日都窒我,見到我嬲嬲地咁,佢又會笑.


我想問一個男仔成日咁樣對一個女仔,係咪對佢有意思呢??定只係當佢係一個普通朋友????