『Jessica 君』： 你話『食晒Dd送尾為止』問題係我真係好怕食人地既口水，直情想嘔戈隻！ 你講既第二點，我都唔知講有幾多次啦！ 至於你講既第三點，敝就敝在我係個食野超慢ge人黎嫁，你話係咪頭痛啞！
救命呀，仲有冇人肯俾D橋我呀，唔該幫下忙啦！ 長期咁忍落去我真係會癲架！
『crystalyyiw 君』 你話『係佢未將D推俾你之前，幫佢推俾其他人囉！』 你都唔知呢位長者的動作有幾快， 就在佢話要俾你送的同時，佢已將佢食剩ge送尾成功地著陸在我的碟頭啦！ 有時甚至一聲唔出、事先毫無先兆， 突然地將佢的剩餘物資空降到我既碟頭！ 速度之快我想可比美當年的『神鋒突擊隊』吧！
『sylviacatlam 君』 我都知「農夫耕田種菜辛苦」辛苦的道理。 我都係仲意食到一粒飯都唔剩既人， 就因為咁先覺辛苦， 食嘛，加左人地D口水。唔食嘛，又唔忍心浪費野， 所以先至會咁矛盾 lo !!!
其實講到『忍』，我都已經忍左足足一年有多嫁啦！ 每次都要食佢碟內已經俾佢撥到爛容容的送尾，真係好難吞架！ （我每日係中心同一大班人食飯，每人一份） 有一次我甚至嬲到將佢強塞俾我的『硬崩崩的陳皮』擲番落佢既碗 （佢明知硬到唔食得，都仲要強塞俾我，唔嬲就假啦！） 經過戈次佢收歛左一排，點知最近又試故態復萌。 （中心既職員經我暗地投訴，都有同佢講唔好將食剩D強塞俾人， 但係都冇用，） 我真係唔想對年事已高既佢動不動正以顏色，會覺得佢難堪， 如南繼續強忍的話，就要繼續隨時準修吞佢爛容容的送尾 你話我點會唔苦惱啞！
但如果繼續強忍的話，就要繼續隨時準備吞佢爛容容的送尾 你話我點會唔苦惱啞！ 仲係戈句： 救命呀，仲有冇人肯俾D橋我呀，唔該幫下忙啦！ 長期咁忍落去我真係會癲架！
唉！『Jessica君』：正好與你所想的相反， 這位長者正因為知我錫老人家， 所以至會「以熟賣熟」「以老賣老」！ 其實係『硬果皮』事件發生前， 我好多時都會帶D好味ge零食請佢架， 不過係『硬果皮』事件之後就嬲到冇興致請野佢食野了。 當然！我對佢還是有講有笑地相處融洽。 只是面對佢每次的『搶攤行動』，我會覺得好惡頂！ 因為D『剩餘物資』真係好難kung落肚， 仲要連帶自己的送菜都俾佢攪到污糟埋。 所以先至越黎越嬲、越黎越難頂！
經網友們一整日的諄諄提點下， 終於攪掂晒，直情成個開心晒 ^_^ !!! 晏晝去食飯戈陣，我如『( ^ - ^ ) /* 君』所言預備定左個碗仔， 一坐落，就笑住口同這位仲意俾我送尾的長者講 『呀！準備好要俾妳既野，都唔記得帶黎俾妳喎！』佢聽左好開心。 （呢招係自己今朝先至諗出黎ge！先禮後冰嘛 ^_^！）
跟住我將個預備定ge碗仔放係當眼既地方， 長者見到個碗仔就話：「啞！帶左個私家碗黎呀！」 我即時就講：「俾妳放“送菜”個lo！」 緊接講：「D送菜如果妳食唔晒既話，食之前就好俾我啦！」 再鄭重講：「食左之後就唔好再夾俾我啦！」 （呢招係參詳左『y0kit3t』『crystalyyiw』『( ^ - ^ ) /*』等人的訓言） （尤其係『Jessica』講ge「既然改變唔到別人就唯有改變自己囉」） （天曉得我是一個如何怕say no、如何怕拒絕人的人！）
係坐低等職員派飯既同時 我又在同佢之間既檯面儘量放D障礙物，諸如水杯味架等。 （呢招係『( ^ - ^ ) /* 君』教ge） 等職員送上飯菜的時候，我主動出擊，即時將個碗遞俾長者： ：「你係咪食唔哂呀？哂唔晒就衣架好俾我啦！」 ：「唔好等到食剩後先至俾我呀！」 （又係參諸位仁君之言，『要照直講』！） 對方只好將佢未掂過既“送菜”分左點俾我 跟住我成餐就可以好安心地進膳，而且之間仲放左咁多的屏障！ 最開心的是： 整個過程中沒有不快，沒有煙火！仲能保持雙方的良好關係。 真係一天都光晒，諸君多謝晒 ^_^ !!!
呢次既事件讓我深深體會『溝通』和『方法』既重要， 原來剩係「啞忍」係唔得ge！ 另外我今次真係體驗到網友們的熱心， 就因為你地所是供的熱誠和智慧， 以致我苦惱了快兩年既問題，竟然兩日內就攪掂了！ 再次萬二分的多謝大家、多謝熱誠的網友們！ （遺憾的是眾多熱誠真摯的回答裡，我只能選出一位） 願上主親自報答你們在作答時所付上的熱情、忠心和勞苦！ 尤其是『sylviacatlam』『Jessica』的勸言，我會謹記在心！
