Canon相機, 請比較 85 IS & 870 IS

如果唔計價錢,我覺得係870 IS比較好.
因為佢焦距比較好用,最主要係有28mm廣角,自拍時唔驚手唔夠長淨係影到超大頭,團體照,尤其係室內,又冇咁易影唔晒.影風景,夜景更加係夠廣角比較好.
85 IS最廣角只有35mm,叫做中規中矩,影以上既嘢都冇870 IS咁好.不過由於佢冇咁廣角,微距方面反而有著數,有利放大率,雖然佢最短對焦距比870 IS長1cm,但最終放大率應該稍大.
光學變焦即係俗語講既zoom,以870 IS來講,變焦到最廣角,即係28mm可以影多啲景物入畫面,變焦到最遠攝,即係112mm可以把遠處的物件拉近放大.光學變焦係真正改變鏡片位置達到放大目的,越zoom得遠物件睇得越大越清楚.數碼變焦其實冇改變焦距,只係以計數型式將物件放大,放大越大就越矇,而且唔駛用相機做,在電腦要幾大都得.基本上係冇用既,可以不理.
以下網頁有唔同焦距既比較,你可以自己拉佢把呎睇睇個變化.
http://www.tamroneurope.com/flc.htm
以下網頁有相機既規格.
http://www.dcfever.com/cameras/database.php